姚子羚

姚子羚分手 黃智雯延婚期 原來因為有「燈神」…

足球壇有出晒名的「烏鴉口」球王比利,撐邊隊就邊隊輸,估唔到娛樂圈都有!日前姚子羚日前宣布與拍拖三年的男友鄭子邦分手、黃智雯本來已經跟男友同居試婚,但近日又決定押後婚期… 原來有位靚女早喺舊年就衝口而出話有姊妹就快嫁,當時大家都估係子羚或者智雯,點知依家… 原來佢係「燈神」!

撰文:東方新地

姚子羚拍拖三年認分訊

姚子羚日前在IG承認分手,留言:「從來我都甚少在社交網絡提及自己的感情事,與其有不同的揣測和假設…..就讓我來說吧!謝謝大家的關心,這是我們共同的決定,這些年我們共同經歷的,也就只有我們最明白,也感恩有他在我身邊,我們仍然很好,仍會彼此關心、支持、愛護對方。 一段關係的完結並不代表就是結束,愛其實可以有更多不同的方式,我相信無論我們是什麼關係,仍會守護、祝福對方,也希望大家給予空間讓我們去處理我們的事。」

姚子羚
14年6月本刊率先爆姚子羚撻着的士邦,最初的士邦否認戀情兼怒指有人放料,其後經過姚子羚多年努力,終獲男友公開認證女友身份。
姚子羚一直想同男友結婚,但的士邦未有此打算,子羚今日終認分訊!
拍拖三年,有傳姚子羚一直想結婚,但的士邦未有此打算,子羚今日終認分訊!

姚子羚恨嫁 的士邦拖得就拖

近年屢傳37歲姚子羚和的士邦結婚,當姚子羚被問到婚期,佢就話男友未求婚,講到係咪有計劃呢?佢默認:「真係好忙,自己未真正諗,但大家照住目標進發。」係咪今年內嘅事呢?姚子羚話呢啲一個人唔成事,要兩個人先得,總之佢哋有默契。問到求婚鍾意傳統跪地有戒指?定係想要驚喜呢?子羚話想要驚喜,但唔好太過誇張,希望簡單而隆重!不過據知的士邦一直未有結婚打算⋯⋯

姚子羚
姚子羚和的士邦
姚子羚和的士邦

融入家中無用

姚子羚做足好家嫂本分,獲准參與男友的家族歐洲旅行,更對男友的老嫩親屬都照顧有加,以為順利過埋男友家人關融入家中,但都係分手收場。

姚子羚
姚子羚視男友鄭子邦為結婚對象,更和男友家人齊齊去旅行!
姚子羚
以為受過情傷的子羚尋尋覓覓找到她的Mr. Right,點知都係分手收場!

黃智雯延婚期

至於姚子羚其中一位好姊妹黃智雯,同富貴男友詹文天感情相當穩定,之前已經進駐半山豪宅同居試婚,本打算今年內做新娘。不過智雯近年喺唔少劇集都有出色表現,其中熱播劇《三個女人一個「因」》中更是大獲好評!智雯一心為事業再創高峰,已決定將婚期押後,最近被發現已搬返娘家。

姚子羚
黃智雯男友詹文天

原來杏兒係「燈神」

話說胡杏兒去年9月出席活動時,曾經衝口而出話有好姊妹就快會嫁人,當時大家當然都估會係姚子羚或者黃智雯啦。但如今姚子羚分手收趁場,黃智雯就被指押後婚期,杏兒原來係「燈神」呀!

胡說八道會 為姚子羚預演婚禮

胡說八道會六位花旦感情好到一個點,大家知老友姚子羚恨嫁、而男朋友鄭子邦一味愛拖﹐好姊妹當然一心想把姚子羚嫁出去,胡杏兒早在《胡說八道真情假期》中扮演新郎哥鄭子邦為姚子羚預演婚禮,難得子羚當正真嘅一樣,講我願意,睇得出佢真係好想結婚⋯⋯

之後胡杏兒話明現實生活胡說八道會一樣就快辦喜事:「快㗎啦、快㗎啦!好快你哋就會知!」實行推波助瀾畀啲壓力的士邦,而外界都以為姚子羚真係好快嫁,可惜……