姜丹尼爾熱爆當選「最想請食飯年下男」第一位

近日由孫藝珍與丁海寅主演嘅韓劇《經常請吃飯的漂亮姐姐》掀起一陣「年下男」熱潮,網上更有一個「最想請佢食飯嘅年下男明星」調查,獲多達19萬342人投票,發現原來一眾「姐姐」最愛嘅都係各大男團成員,其中Wanna One中人氣最火爆嘅姜丹尼爾更以48.1%(9萬1,510票)奪得第一位,而第二、三位則分別是BTS(防彈少年團)嘅成員柾國同V。

撰文:東方新地|圖片:網上圖片

姜丹尼爾 吸金力最強

以近10萬票奪得「最想請佢食飯嘅年下男明星」第一位嘅姜丹尼爾年僅21歲,擁有眾多姐姐級粉絲,佢近日仲喺剛公布嘅「4月最具信譽品牌代言男團成員」排行榜中連續9個月稱冠,經常撇甩Wanna One隊友單拖拍廣告,瘋狂吸金。

姜丹尼爾號召力驚人,所拍廣告種類更非常多元化,包括空氣循環扇、啤酒、護膚品、服飾等。

BTS中年紀最細嘅20歲成員柾國(Jungkook)人氣僅次姜丹尼爾,以46.5%(8萬8,460票)登上「最想請佢食飯嘅年下男明星」第二位,在BTS中佢因十項全能而擁有「黃金老么」嘅稱號。

BTS中年紀第二細嘅22歲成員V得票1.9%(約3,620票),成為「最想請佢食飯嘅年下男明星」第三位,第四位是姜丹尼爾嘅Wanna One隊友朴志訓,年紀只得18歲。

丁海寅 撞樣金秀賢

《經常請吃飯的漂亮姐姐》男主角丁海寅在「最想請佢食飯嘅年下男明星」票選中卻只能得到第七位,相信係因為佢已經「高齡」30歲,姐姐級粉絲不多,不過佢同「姐姐」孫藝珍拍嘅新劇收視不俗,帶挈丁海寅人氣急升,更被指同國民男神金秀賢撞樣,上位指日可待!

丁海寅首次升呢男主角就拍檔36歲女神孫藝珍,上演姊弟戀,吻戲勁多,獲帶挈人氣急升。

讀者留言