【安心偷食】吳岱融望《牛下女高音》重見天日大爆King Sir唔舒服頂硬上拍劇

May 5 - 22:58

「安心偷食」醜聞爆出至今已半個月，但餘波未了！由於黃心穎形象插水，她之前拍好而未播出的多套劇集包括《堅離地愛堅離地》、《丫鬟大聯盟》、《牛下女高音》等即成倉底貨，當中影響有如連座法牽連甚廣！最黑仔是演《牛》及在《堅》首當男一的張振朗淪為倉底貨男一！而吳岱融（Hugo）大爆King Sir（鍾景輝）當時身體抱恙，全程頂硬上拍攝，望《牛下女高音》重見天日！

撰文：東方新地圖片：新傳媒圖片

吳岱融望《牛下女高音》重見天日

同黃心穎合作拍攝《牛下女高音》嘅吳岱融早前出席活動時被問起劇集被問《牛下女高音》「無限期停播」時，他認為大表惋惜，因為《牛下女高音》係講一班中佬追夢嘅勵志劇，係一班演員心血，佢話希望《牛下女高音》多啲觀眾支持，多啲關注為咗呢個電視劇努力嘅人，唔希望因為唔開心嘅事件令劇集禁播。

他更指出，當時King Sir(鍾景輝)更加係身體好唔舒服咁頂硬上拍，最後都完成咗呢部劇，所以冇得出街佢都有啲唔開心、失落。講到《牛下》劇集公司會否補拍黃心穎戲分，他表示自己不方便了解。

唔止King Sir(鍾景輝)捱病拍攝，身為男主角的張振朗在《牛下女高音》及《堅離地愛堅離地》都同心穎合作，其中《堅離地愛堅離地》張振朗首度擔正成男主角的劇集，可惜受到「安心事件」影響，劇集臨時被抽走改播《婚姻合伙人》，《牛下》也被禁播，難怪有傳佢好嬲！

《法證先鋒IV》下月重拍

近年升呢做女一嘅黃心穎，之前拍咗4套新劇未出街，包括《堅離地愛堅離地》、《丫鬟大聯盟》、《牛下女高音》和《法證先鋒IV》，原本《堅離地愛堅離地》接棒《鐵探》播出，但目前已被抽起改播《婚姻合伙人》，而TVB年度重頭劇《法證先鋒IV》因為一早跟內地簽合約，於11月中港兩地同步播出，為免影響播放計劃，據悉TVB決定重拍，由於黃心穎在劇中飾演一名記者妹屬第三女主角，與黃浩然以及鄭希怡有三角感情戲份，故戲份唔少，當中包括7日台灣外景，預計損失超過1千萬。