ft pic

小鮮肉版馬神 馬德鐘18歲仔接棒入行

馬德鐘同博士老婆張筱蘭個囝囝馬在驤(Xiang),話咁快已經18歲大個仔喇!做得馬神個仔,馬在驤梗係遺傳晒爸爸嘅高大靚仔外型同媽媽嘅內涵啦!精通中英法文嘅馬在驤,日前首次單拖出席活動,冇父母陪住,馬神仔面對傳媒都算淡定,仲自爆有興趣入行接爸爸棒添!

延續閱讀:

《城寨》老戲骨梁舜燕鬼馬搶戲

女神王君馨索爆丁圖

日前自己一個出席公開活動嘅馬在驤,18歲仔生得非常高大,眼大大鼻高高,驟眼望落有啲似尹子維。睇馬神仔健碩嘅身形,明顯有做開運動,假以時日分分鐘大隻過爸爸!

現時讀緊國際學校嘅馬在驤,晌父母悉心栽培下文武雙全,除咗讀書叻,仲係游泳健將兼跆拳道黑帶!不過馬在驤竟然話自己未拍過拖,但就試過俾女追又收過朱古力!咁又係,咁靚仔使乜自己出手先?

馬神一放假就會一家三口去旅行,早排仲兩父子齊齊赤膊chok住影相,估唔到48歲馬神企埋阿仔身邊,似大哥多過似父子!馬神仔自爆有興趣入行做幕前,最想學爸爸拍動作片,前排放暑假直頭跟埋上橫店睇爸爸拍戲,睇嚟真係好有興趣做星喎!

全文完