張天賦

張天賦訪問露玄機鍾意Ash類型 陳志雲訪問被翻hit有錢仔家道中落

最新娛聞

廣告

張天賦(MC)打低Edan呂爵安奪叱咤新人金獎,人氣急升,即被爆與《全民造星4》人妻Ash(鍾卓穎)撻著,連日成為新聞人物的張天賦接受陳志雲《Stephen傾》訪問亦被翻hit,節目中的他甩拖一年透露積極搵另一半,開出條件更同緋聞女友Ash完全脗合﹗訪問中他首次詳細透露家庭背景,本身家境富裕的他家道中落,經歷父親人生低潮及患病離世,人生如坐過山車﹗

文:東方新地|圖:《Stephen.傾》截圖

張天賦拍過三次拖 初戀僅一個星期

張天賦被陳志雲拍拖經歷時指拍過三次拖,佢指初戀在中一、二,是女方主動追求戀情維持一星期,第二段約中五時由加拿大返港時認識,拍了兩年拖,張天賦第三段戀情是2018年1月1日拍了三年半拖,因為感情轉淡最後和平分手﹗陳志雲問他為何入行後認有拖拍,公司沒有給與壓力?張天賦話:「遮唔到,冚唔到㗎,自己把口講好過人哋講﹗」陳志雲訪問時剛好分手一周年,張天賦直認恨拍拖﹗

張天賦(MC)被陳志雲問是否習慣被人稱作靚仔時,他表示小學時是肥仔一名,學校午餐會添食三四碟意粉,直至到加拿大讀書時開始長高而變瘦﹗(圖片來源:《Stephen.傾》截圖)
張天賦(MC)被陳志雲問是否習慣被人稱作靚仔時,他表示小學時是肥仔一名,學校午餐會添食三四碟意粉,直至到加拿大讀書時開始長高而變瘦﹗(圖片來源:《Stephen.傾》截圖)

張天賦公開理想型女友 網民:根本就係Ash﹗

陳志雲問張天賦擇偶條件時本來話無特別預設「set好條件,但通常到識嗰個可能完全唔同﹗」張天賦最後還是講出心目中理想型女友:「我心目中理想型要長頭髮,長頭髮女仔啲,我係一個大男人,想要一個小鳥依人﹗(一定唔可以肥,要瘦?)係嘅,同埋要發癲,即係高興開心嗰種﹗(你指豪爽?)係,因為我好需要溝通,唔鍾意猜測,唔好收收埋埋﹗」張天賦又指自己身高168.5cm,女友一定不能高過自己甚至平頭:「矮少少得唔得呀﹗我以前啲女朋友都係好細粒,喺香港唔難搵嘅﹗」並直認愛港女,及喜歡有一雙大眼睛女仔,以及不能戴眼鏡。

張天賦身高168.5cm,佢話另一半一定要矮過佢,最高只能到佢耳仔上﹗(圖片來源:《Stephen.傾》截圖)
張天賦身高168.5cm,佢話另一半一定要矮過佢,最高只能到佢耳仔上﹗(圖片來源:《Stephen.傾》截圖)
鍾卓穎Ash身高158cm,高度及外型完全乎合張天賦擇偶條件。(圖片來源:IG@mcheung1201)
鍾卓穎Ash身高158cm,高度及外型完全乎合張天賦擇偶條件。(圖片來源:IG@mcheung1201)

張天賦揀女當去茶記?

張天賦列出一堆擇偶條件,即被陳志雲取笑:「又話冇限條件?」張天賦即搞笑咁答:「好似你入茶餐廳食嘢話冇所謂,但一問你食唔食辣要唔要蔥,你都答到﹗(哦﹗原來當去茶餐廳?)咁呢間茶餐廳要食一段時間甚至一世喎,梗係要揀吓啦。」被陳志雲取笑揀女朋友當入茶餐廳﹗其後張天賦表示空白期一年,直認恨拍拖,陳志雲問會去邊度尋覓?張天賦笑話:「咩地方都有,可能朋友有party、飯局,我會叫佢哋預埋我,當交多個朋友,去唔係為搵個女朋友,呢啲只係識朋友其中一個方法﹗」

張天賦被影到在平安夜與Ash出街,他解釋當日冇工開所以約對方行超市,之後與其他人一起開派對,卻被網民找到破綻,愈描愈黑﹗(圖片來源:IG@mcheung1201)
張天賦被影到在平安夜與Ash出街,他解釋當日冇工開所以約對方行超市,之後與其他人一起開派對,卻被網民找到破綻,愈描愈黑﹗(圖片來源:IG@mcheung1201)

張天賦參加《造星》為證明畀家人睇

張天賦在訪問中透露參加《全民造星2》是因為想證明自己能力給家人睇,張天賦指父親經歷由富裕變到家道中落,又因他讀書成績差,父親決定帶他到加拿大讀書,媽咪卻反對,最後父母離婚,MC覺得自己是間接導致父母離婚相當自責,離婚後爹哋幾近崩潰,但當時張天賦卻未有多留家中陪父,兩年後父親發現患上癌症﹗張天賦再自責自己要負上一定責任﹗張天賦指父親患病後返港,而伯父及姑姐的子女學業成績都好好,令父親不敢面對親戚及朋友,不想受閒言閒語,所以張天賦想透過比賽去證明給家人睇自己係得嘅﹗

張天賦一提及已離世的父親不禁落淚﹗(圖片來源:《Stephen.傾》截圖)
張天賦一提及已離世的父親不禁落淚﹗(圖片來源:《Stephen.傾》截圖)

張天賦談喪父淚崩

張天賦話:「我做咗個衰仔廿幾年,唔想再做佢哋口中『唔得』嘅人,想有樣嘢畀爹哋可以喺親戚面前炫耀嘅嘢﹗去叻番次﹗」他指最初參加《造星》時沒有告知家人,直至進入廿強,但父親已在醫院插住喉,張天賦話:「當時爹哋好虛弱講唔到嘢,只可以寫字,佢寫『我好愛你媽咪,好愛你,proud of you』﹗」

張天賦提到參加《造星》時正值父親患病在醫院,不禁悲從中來﹗(圖片來源:《Stephen.傾》截圖)
張天賦提到參加《造星》時正值父親患病在醫院,不禁悲從中來﹗(圖片來源:《Stephen.傾》截圖)

陳志雲問張天賦當時的感覺係點?張天賦話:「感覺好似睇戲咁樣,好細個嘅嘢回帶出番嚟, 同爹哋嘈過交唔生性、爹哋電話唔聽,甚至講過一啲大話嘅畫面出番嚟﹗」張天賦最後《全民造星2》得到亞軍,可惜父親已離開,看不到他決賽。訪問中張天賦談及爹哋幾度流淚,他表示:「講咗唔喊㗎嘛﹗因為爹哋教我男兒流血不流淚,依家喊係好肉酸﹗」

張天賦話講過唔會喊,但講到在《造星2》獲得亞軍時,父親已離世再度流淚不止﹗(圖片來源:《Stephen.傾》截圖))
張天賦話講過唔會喊,但講到在《造星2》獲得亞軍時,父親已離世再度流淚不止﹗(圖片來源:《Stephen.傾》截圖))
(圖片來源:《Stephen.傾》截圖)
(圖片來源:《Stephen.傾》截圖)

《全民造星4》Ash離婚事件FAQ

Q: Ash前夫對離婚有何最新回應?

A: 1月5日晚上,Ash前夫透過IG戶口 taiwan.fatboy闖入MC的直播,然後又自已分享帖文透露心情,不過寫完後刪帖,然後還開Live兼受訪⋯⋯按此看詳情|繼續爆料「前夫受訪講離婚繼續爆 後悔做錯一件事!

Q: MC張天賦如何回應「平安夜私會Ash」的緋聞?

A: MC張天賦的公司採取了相對低調的回應,但MC本人就在記者訪問時大方表示⋯⋯按此看詳情

Ash前夫對離婚有何最新回應?

1月5日晚上,Ash前夫透過IG戶口 taiwan.fatboy闖入MC的直播,然後又自已分享帖文透露心情,不過寫完後刪帖,然後還開Live兼受訪⋯⋯按此看詳情|繼續爆料「前夫受訪講離婚繼續爆 後悔做錯一件事!

MC張天賦如何回應「平安夜私會Ash」的緋聞?

MC張天賦的公司採取了相對低調的回應,但MC本人就在記者訪問時大方表示⋯⋯按此看詳情