恨同Stephy拍情慾戲 方力申:可以嗌高啲價!

恨同Stephy拍情慾戲 方力申:可以嗌高啲價!

情絲斷 話題不斷

方力申(小方)和鄧麗欣(Stephy)這對金童玉女,由電影《獨家試愛》到《紀念日》,小方及Stephy戲裡戲外相戀十年,但可惜「共你相識三千天,我沒名無姓… 我共你去到最遠也只是友情」,金童玉女都有分手的一日,今年三月,二人在社交網站宣布分手,原因眾說紛紜,有說是二人性格不合、步伐欠一致,又有說是女的已經移情別人,雖然情絲已斷,但傳媒對二人的話題絡繹不絕,日前,小方上節目再次提到舊女友Stephy…

隔空對話

早前小方無啦啦接受電台主持人車淑梅訪問,被問到對於舊愛Stephy的現有感覺,小方坦言有不捨,甚至發夢夢見女方,想睇番小方講乜睇呢度click呢度 > 搞喊Stephy 方力申︰都係我唔好

咁癡纏搞到Stephy聽到後眼紅紅,仲抹晒眼淚詳情在此 >再談小方 Stephy落淚︰冇諗過復合

因此小方話為免影響女方,盡量唔再提起舊事。

唔講又講

近日四出為主演的新戲《綁架丁丁當》宣傳的小方,日前接受無綫綜藝節目《娛樂3兄弟》訪問。

在電影中一展雄風的他,依然man爆,講吓健身當然唔少得講吓Stephy,係呀!明明話唔提又講…

力撐大家想法一致

在節目中,小方坦言與Stephy分手其實早有玄機,但強調二人從未提及結婚問題,但承半Stephy曾問他:「其實我哋諗嘅嘢係咪一樣?你有冇諗過將來呢?」當時小方話:「我梗係有諗,我諗嘅嘢梗係同你一致,唔係點會咁耐?! 我以為好多嘢唔需要傾,係大家憑感覺互相遷就到,互相adjust到,喺呢方面,我覺得我哋係有共識嘅。」冇錯,睇落可以係小方單方面覺得有「共識」。

想同Stephy拍情慾片

講番事業,近年進軍影壇的小方,坦言希望參與大製作,而在「快問快答」的環節中,小方抽中題目「 如果李安找你拍情慾文藝片,你會揀邊個做對手?A.傅穎 B.鍾欣潼 C.鄧麗欣」,小方毫不猶豫選擇了Stephy做對手,更打笑言:「我哋兩個再拍,都有噱頭,仲可以嗌高啲(價錢)o添!」但會唔會尷尬呢?小方話:「梗係會尷尬啦!所以咪要俾多啲錢囉。」哦,即係錢可以解決一切啦… 而Stephy日前出席活動,就同小方相反,對小方的反應是斬釘截鐵的。

呢日Stephy一身白色透視裝孖住劉浩龍和太陽娛樂老闆周焯華(洗米華)出席 「太陽城環球貴賓娛樂平台發佈會」,Stephy笑容滿面似乎心情不俗。

被問到有報道指小方經常去探望Stephy的鄰居,似乎是想借探望張繼聰為由,借意見見Stephy,不過就遭Stephy立刻否認:「首先我不知道呢個報道,然後我喺屋企,佢都冇嚟睇我。」她更透露二人分手後就沒有見過面了,男女態度明顯大相逕庭,睇嚟如果小方真係要箍煲,真係要加多兩錢肉緊了。

延伸閱讀:

情趣酒店過AV癮

怪叔叔約嫩模過夜 想對方「成長」