楊千嬅

楊千嬅同囝囝齊坐經濟艙 網友讚冇架子

楊千嬅09年同丁子高拉埋天窗,之後喺2012年誕下囝囝丁進諾(Torres),錫到個仔燶嘅千嬅,不時放假抽空陪寶貝仔。嚟緊楊千嬅會拍無綫劇《多功能老婆》,有排忙,所以佢趁開劇前趁住復活節假期,帶咗仔仔同埋啲同學仔一齊去新加坡同馬來西亞旅行,享受親子樂!

撰文:東方新地│圖片:楊千嬅IG

楊千嬅 同囝囝齊坐經濟艙

難得同囝囝旅行,楊千嬅都好開心,佢將旅行相上載咗到社交平台,最先係佢坐飛機經濟客艙自拍話出發,然後見到佢陪個仔喺主題樂園玩小型賽車,好有愛!

楊千嬅
囝囝同同學仔坐經濟艙客位,而楊千嬅就坐在隔籬行坐位!
楊千嬅
楊千嬅同兒子去主題樂園!

楊千嬅留言話:「每次學校假期和小丁去旅行,都見證着他的成長,同一個地方同一個景點,即使重複又重複,但仍是珍惜和感動,你快樂所以我快樂……兒童節快樂!小丁成長日記,同學仔旅行,happiness(開心)。」

楊千嬅
唔經唔覺Torres大個仔喇!

網友讚冇架子

千嬅去到邊影到邊,好享受今次嘅旅程!而不少網友睇到相片都大讚千嬅係好媽媽,除了因她放假陪囝囝去旅行,又話千嬅並冇因為自己係明星,而要求同囝囝單獨坐頭等機位,反而跟大隊同坐經濟艙,呢個做法唔會令兒子覺得比同學優悅或者高一人等,紛紛讚千嬅處理得好呀!

楊千嬅
楊千嬅行到邊幫囝囝影到邊,一舉一動都要拍低!
楊千嬅
楊千嬅shopping大家見得多,佢個仔推購物車都第一次見!