毛舜筠Mirror

毛舜筠逐一點評合作過Mirror成員 大爆姜濤是「問題少年」 恨有Edan呢個仔

最新娛聞

廣告

毛姐毛舜筠最近拍攝《阿媽有咗第二個》及《過時過節》而同MIRROR四位成員合作,分別是姜濤、盧瀚霆Anson Lo、Edan呂爵安和柳應廷Jer,身為前輩對四子逐一點評﹗

毛舜筠封姜濤為「偷拍高手」

毛姐毛舜筠接受李婉華網上電台訪問,大爆與MIRROR成員拍攝時的點滴﹗毛姐與姜濤及Jer合作《阿媽有咗第二個》,大爆姜濤最百厭,經常在片場偷拍她睡姿,所以要時刻保持警覺,試過有一次想姜濤刪除被偷拍片段而「追咗佢九條街」,笑指他的偷拍技巧高超封做「偷拍高手」。

毛舜筠 毛姐大讚姜濤呢個仔好得人鍾意,但就最百厭﹗
毛姐大讚姜濤呢個仔好得人鍾意,但就最百厭﹗(圖片來源:IG@moje115)

毛姐又爆姜濤是「問題少年」,經常問一些假設性問題,令毛姐好懊惱,「如果唔答佢,佢會死纏住你,試過問我肯唔肯光頭拍戲?接受性感尺度程度等,真係被佢問到無力招架﹗」毛姐笑言姜濤真係好得人鍾意﹗

毛舜筠 姜濤曾上載偷拍毛姐在片場瞓覺相,其後毛姐「報復」,兩母子好玩得﹗
姜濤曾上載偷拍毛姐在片場瞓覺相,其後毛姐「報復」,兩母子好玩得﹗(圖片來源:IG@keung_show)

毛姐在《阿媽有咗第二個》另一個仔阿Jer,則為人內斂比較怕醜,但其實好sweet,毛姐請助手拍下拍戲花絮,雖然Jer怕醜,但會在背後唱歌伴奏,大讚他為了揣摩角色好用心及勤力,與他相處好舒服﹗

毛舜筠 阿Jer枊應廷在《阿媽有咗第二個》都係毛姐個仔,毛姐指因為Jer在戲中感情比較複雜而且是第一次拍戲,所以大部分時間都在鑽研劇本上﹗
阿Jer枊應廷在《阿媽有咗第二個》都係毛姐個仔,毛姐指因為Jer在戲中感情比較複雜而且是第一次拍戲,所以大部分時間都在鑽研劇本上﹗(圖片來源:IG@moje115 )
毛舜筠 毛姐與姜濤及Jer在電影《阿媽有咗第二個》合作,最近入圍大阪亞洲電影節﹗
毛姐與姜濤及Jer在電影《阿媽有咗第二個》合作,最近入圍大阪亞洲電影節﹗(圖片來源:英皇電影)

大讚Edan有家教 恨有個咁嘅仔

毛姐在另一電影《過時過節》中飾演其兒子的是Edan呂爵安,毛姐指Edan父母悉心栽培他成一個好好的年青人,好有家教,讚他「最有紋有路,高EQ有才華又有智慧,係父母都恨有一個咁嘅仔,如果保證生到咁嘅仔,我唔怕生多個,工作上Edan又事事求做到最好﹗」並透露即將再與Edan再演兩母子

毛舜筠 毛舜筠對Edan讚口不絕﹗
毛舜筠對Edan讚口不絕﹗(圖片來源:IG@moje115 )

盧瀚霆Anson Lo好學

毛姐又提到在戲中飾演Edan朋友的Anson Lo盧瀚霆,她指與他場口唔算多,但大讚他好學又乖巧,經常向她請教演戲﹗

毛舜筠 毛姐透露Anson Lo經常向他請教演戲心得﹗睇得出佢好用心﹗
毛姐透露Anson Lo經常向他請教演戲心得﹗睇得出佢好用心﹗(圖片來源:IG@moje115 )

毛姐喜見Mirror出現令香港有希望

李婉華指Mirror四子好幸福可以與毛姐合作,毛姐則表示作為前輩要做好榜樣,「要畀後輩知道工作應有態度同演戲熱情﹗」毛姐自言見證幾代演員出道, 大讚MIRROR演戲時用心,唱歌跳舞又落力,大讚Mirror前途無可限量,她表示:「好欣賞佢哋單純同直接,唔會諗啲古靈精怪嘢(走精面),我作為前輩同做人父母,真係覺得花姐真係功不可沒,身兼Mirror同Error十六個,真係好厲害﹗」毛姐同李婉華都覺得在疫情下,有Mirror令大家有喘息機會,帶給大家開心,好感恩有Mirror令大家感到有希望﹗」

毛舜筠 毛姐大讚Mirror前途無可限量,曾去捧Mirror演唱會場﹗
毛姐大讚Mirror前途無可限量,曾去捧Mirror演唱會場﹗(圖片來源:IG@moje115 )

毛姐親自點評四位鏡仔:

常見問題

毛舜筠曾與Mirror那些成員合作過?

毛舜筠與姜濤和Jer合作《阿媽有咗第二個》,與Edan亦曾拍過…詳情請看

在毛姐眼中,姜濤是個怎樣的男生?

毛姐透露與姜濤拍戲期間,他是個問題少年,經常問一些…詳情請看

撰文:東方新地圖片來源:YouTube@李婉華、IG@moje115資料或影片來源:YouTube@李婉華

讀者留言