王賢誌

汪明荃訓示勿將慈善變做騷?王賢誌解畫:感激Liza姐這番肺腑之言⋯

48歲藝人兼應屆東華三院主席王賢誌(Vinci)上星期五於灣仔伊館舉行佢卸任前最後一個慈善項目──《誌友共聚》慈善音樂會,圈中人緣甚廣嘅Vinci除咗請到張敬軒關淑怡、汪明荃、草蜢等紅星擔任嘉賓,仲請到曾傳患腦病、神隱多年的李珊珊現身台上分享患病的經歷,珊珊的出現成為音樂會的焦點。之但係活動後,嘉賓之一嘅汪明荃喺IG寫咗段長文畀王賢誌,大讚佢過去一年為東華的付出,但汪阿姐同時寫道︰「翻查報道發現有四個字經常出現,就係『碌人情卡』……好多人都覺得你呢張人情卡威到盡……」又寄語王賢誌要感激在背後出力的東華團隊,更重點指出做騷與做慈善只是一線之差︰「做騷係希望大家留意台前表演者;做慈善係想大家關心背後受惠者。幫到真正有需要嘅人,咁先算圓滿!」文中被指似有弦外之音。對此,王賢誌今日都有作出回應!

 


撰文:東方新地 圖片:新傳媒圖片、李珊珊微博林保怡微博汪明荃IG王賢誌FB 、郭政鴻微博

王賢誌 搞慈善音樂會

當晚嘅慈善音樂會,請到勁多藝人、歌星助陣,好似張敬軒、JW關楚耀、汪明荃、鄭融、草蜢、坤哥等擔任音樂會嘉賓,場面星光熠熠!



神隱李珊珊驚喜現身

不過當晚嘅焦點落喺李珊珊身上,事關41歲的珊珊神隱7年,期間多次被傳患腦瘤及抑鬱症,她早年否認患腦瘤報道,只說要入院治療,但未有透露病情。久未露面的她當晚突然現身《誌友共聚 慈善音樂會》,分享使用醫療服務的體會,珊珊身形略見肥腫但精神甚佳,笑容滿面。席上她未有道出患甚麼病,卻坦言被病所困擾受到很大影響:「如果大家有120歲命,你一定不止生病一次,這是一個定律,當生病,一個病人要有何心態,我這幾年患病,得出感受就是要靠自己,亦不需要人同情,不需要人憐憫。因為這條路係崎嶇,精神上或肉體上是很痛苦的。」


李珊珊
相隔多年再公開露面,李珊珊精神不錯,令關心她的朋友稍為安心!

李珊珊話患病期間一切要靠自己,但與此同時伙伴也是很重要:「可能是親友、好朋友、或者是長輩,陪你行這條路,這不是陳腔濫調,有人陪伴幫助對康復者來說,可能有五成機會可以康復,因為精神上的痛苦比肉體上更痛苦。」她感謝東華三院對其他患癌病人提供實際及心靈上的支援。珊珊

李珊珊
久未露面,珊珊在台上演講表現有點緊張,除咗拎住幾張手寫台詞,佢手掌仲寫滿字!


她完成8分鐘的講話後,由大會安排車送返寓所。

李珊珊昨日凌晨在社交網上載視頻:「Hello,大家好,好耐無見喇!今日參與咗一個『東華』活動,跟主席Vinci(王賢誌)識咗廿幾年,同埋我嘅長輩、朋友、親友真係有試過用東華服務,所以感覺好值得我第一次出席呢個活動。咁梗係緊張,其實我𠵱家拍緊Video都緊張,但都係時候踏出第一步,要鼓起勇氣面對番世界、社會,又或者唔好浪費光陰,呢樣係最重要,喺未來日子,希望喜歡我嘅人,多多支持;唔喜歡我嘅人當睇我唔到,時運高,都係一個幫忙嚟嘅。仲有希望未來我多啲參與慈善方面活動,因為我係一個過來人,知道好多過程,用什麼態度或什麼心態去面對或迎接,甚至放下一啲嘢。大致上呢刻諗到咁多,因為完騷第一件事就想食飯,食飯最緊要,因為有強健體魄最重要。多謝!拜拜!下次見,再講!」



她還留言:「感謝大家支持,讓我勇敢踏出第一步。今天不是句號,現在才是開始。」


 

不過嘉賓之一嘅汪明荃(Liza姐)事後在其IG上載跟王賢誌(Vinci)合照,仲寫咗一段長文表達對王賢誌在任1年的感受。阿姐話:「上年差唔多呢個時間,我喺Vinci嘅就職禮,講過希望佢喺東華主席呢個崗位上面,可以盡情發揮;今次大會再邀請我出席Vinci任內最後一個大型活動,我都好想知道,上任一年,佢到底有冇辜負大家嘅期望。」所以佢有睇番王賢誌過去一年的工作報道,發現他在短短一年,Vinci參與過嘅活動真係好多,幾乎每個月都有十幾個,可想而知佢真係相當勤力!


但與此同時,汪阿姐在當中發現「碌.人.情.卡」4個字經常出現,幾乎任何藝人都請得到,令東華活動得到好多關注,善款創新高,好多人覺得這張人情卡威到盡。不過她希望王賢誌亦要感激家族建立的慈善網絡、東華三院過百年建立的基業,以及做後盾的東華團隊。Liza姐認為:「做Show同做慈善,其實係一線之差。」做Show只希望留意台前表演者,做慈善則是想大家關心背後的受惠者。


最後她寄語王賢誌說:「所以,如果你今年嘅努力,只係令大家記得Vinci碌咗好多巨星來做Show,我覺得未算成功;但如果你嘅努力係觸發到大家支持東華,幫助到真正有需要嘅人,我覺得咁先算得上係圓滿。」


汪阿姐的勉勵,王賢誌在社交網也留言表示感激,尤其因為對方的支持才會加入東華三院:「非常感激Liza姐這番肺腑之言,更絕對不會忘記她很早便鼓勵及支持我加入東華三院,傳承家族行善之路, 服務社會,幫助別人!不論在演藝界又或慈善界,Liza姐都是我最欣賞的前輩,最值得學習的榜樣…記得於去年的就職晚宴, 她已經為我送上了一番勉勵的說話,如今於卸任前最後一個大型籌款活動又可請得她再次現身,表演之餘還分享了她對做慈善的真正看法,實在別具意義,令我十分感動!其實主席任期只得一年,要做要學的東西永遠不夠,不過相信卸任後又將是另一個新開始,我必定會好好把握下一個機會,將一直以來累積的寶貴經驗和豐富人脈加以運用,為社會大眾再作貢獻!謝謝Liza姐,我會繼續努力,不負眾望,朝著(着)下一個目標進發!」


Vinci其後更在facebook感謝Liza姐很早便鼓勵及支持自己加入東華三院,傳承家族行善之路,服務社會,幫助別人。卸任後會好好把握下一個機會, 將一直以來累積的寶貴經驗和豐富人脈加以運用, 為社會大眾再作貢獻。



延伸閱讀:

《 鑑證實錄 》廿周年聚會 李珊珊罕有出山

無綫經典劇集《 鑑證實錄 》1997年播映時大受歡迎,唔經唔覺,原來已經20周年,去年一班演員在中國會舉行20周年聚會,一眾台前幕後幾乎齊腳出齊,就連「神隱」多年、之前傳身體出現小病痛嘅李珊珊都有蒲頭,認真難得!當晚出席除了男主角林保怡及女主角陳慧珊,仲有李珊珊、劉愷威、莫可欣、鍾麗淇、廖啓智、陳美琪、郭政鴻、劉江、張松枝、劉江、林小湛、溫裕紅,以及監製潘嘉德及編審賈偉南等多位幕後功臣都有現身!


珊珊好鬼馬,暱喺郭政鴻身後攝入鏡,仲做V字手勢!


鑑證實錄 廿周年 珊珊激罕蒲頭

李珊珊近年罕有出席公開場合,而仲有傳佢患上腦瘤,傳聞遭珊珊否認,而呢一晚佢穿上黑衣、戴上眼鏡到場,精神奕奕現身,難得同一班老朋友敍頭,珊珊都笑得好開心。


微博留感言:五年來最生猛

珊珊事後喺微博留言話:「二十年,可說佔了人生的一半。今晚有緣再聚,也是過去五年來最生猛活躍的一天。感謝各位,這夜嘗到久違了的興奮和快樂,我如同過度活躍症的孩子,不停跟各位談天說地。謝謝你們給我如此美好的時光。」

李珊珊在微博曬相兼感慨留言,指當晚是過去五年來最生猛活躍的一天。

四料港姐冠軍

李珊珊96年參加港姐競選,獲得冠軍、最上鏡小姐、最受傳播媒介歡迎獎及才藝小姐四個獎項,擁36E勁爆身材嘅佢被稱為是史上身材最好的港姐冠軍,其姑姑為香港作家李默。到97年度珊珊參加國際華裔小姐競選勇奪亞軍,到98年珊珊同錢嘉樂拍TVB電視劇《烈火雄心》撻著,但07年二人宣布分手,結束8年情。


李珊珊噴血圖集

另外,珊珊以往出席活動時,毫不吝嗇晒36E迫爆上圍,當中最令人難忘肯定係玩蛇瘦身廣告!此外,珊珊更曾為慈善拍寫真,因而被冠以「慈善球王」!

















 

否認患腦瘤直認多次入院

其實李珊珊近年身體欠佳,經常受到濕疹困擾,淡出娛圈的她舊年突然有傳患腦瘤,但佢否認有其事,珊珊喺微博承認身體出現毛病,在過去嘅四個多月曾出入醫院,但佢解釋只係有些小病痛而唔係大病,形容人年紀漸大,就如同機器操作多年,零件出問題需要修理,這是正常不過的事,請大家唔好大驚小怪,只係病情屬於私隱,所以至冇公開透露詳情。

珊珊透露身體患上小毛病,連醫生都話佢為咗搞拍賣港姐后冠一事太辛苦,令康復中嘅身體出現阻礙,建議佢要多休養!

 

珊珊近年深居簡出,但之前有傳佢患腦瘤,珊珊上載罩上口罩嘅近照,力證身體無恙!

睇番當年《 鑑證實錄 》及《 鑑證實錄 II》,珊珊喺劇中飾演嘅女警「小棠菜」,成個鄰家女孩咁,雖然套劇係佢首部演出嘅劇集,但表現算不俗,而珊珊喺劇中同飾演重案組高級督察嘅林保怡有感情戲,雖然二人喺戲內未能開花結果,但卻因為此劇而成為好友!


陳慧珊飾演嘅女法醫官「聶寶言」又係經典角色,劇中仲同「大佬原」林保怡拍拖!