冇孫湊的日子 洪金寶 歎啡過日晨!

最新娛聞

大勢所趨、人仔大晒,洪天明、周家蔚帶埋兩個仔TJ同JC北上錄影《想想辦法吧爸爸》,一拍就拍24日。暑假流流長,你叫爺爺洪金寶無孫湊做乜好?早前咪惟有同老婆高麗虹約埋朋友吹吓水、玩吓電話過日晨囉…
撰文:東方新地 圖片:新傳媒圖片

洪金寶 歎啡過日晨!

話說之前都仲係坐緊輪椅,早排見到大哥同結婚23年靚老婆高麗虹現身尖沙咀飲咖啡,精神好好、仲唔使用輪椅㖭,睇怕膝頭舊患康復唔少!二人約埋另一pair年紀相約友人在咖啡店歎啡吹水,高麗虹開心談笑,大哥就掛住睇電話,唔通望吓孫仔TJ同JC身在內地錄影新況?

66歲花樣爺爺洪金寶同依家後生一輩一樣歎啡、行街電話不離手、頭都唔使抬㗎!突然諗番起早前嘅城中熱話,就係「一睇就知整容N次」𡃁模掛住玩電話被鬧「撞到我個仔你賠唔賠得起」,其實行街玩電話邊度係𡃁模專利呢?

洪天明帶住兩個囝囝同老婆一家四口參與內地真人騷《想想辦法吧爸爸》,節目播出後,人氣升兩個小朋友可能有排忙,爺爺要見孫可能要預約咯﹗

親子真人騷 受內地觀眾歡迎

內地真人騷《爸爸去哪兒》拍了五季深受觀眾歡迎,參與拍攝的明星二代全部都人氣急升,去年陳小春帶住兒子Jasper參加演出後,Jasper即成為內地炙手可熱童星,可想而知這類真人騷的入屋程度有幾勁。早前朱茵阿Paul亦解除防線,破天荒讓女兒參與由優酷製作的《想想辦法吧!爸爸》,節目名雖然只提及爸爸,但實際上卻是全家出動,朱茵才是最關鍵人物,因為參與的五位明星媽媽為了放鬆而组團外遊, 五位明星爸爸就負責帶住仔女長途跋涉去搵媽媽。

今次拍《想想辦法吧!爸爸》除了有香港人熟識的朱茵阿Paul一家三口外,還有洪天明與周家蔚一家四口。洪天明要長時間一拖二,帶住5歲大仔洪大仁及3歲細仔洪竟琋去搵阿媽。

讀者留言