【深宮計】賢太妃呂珊慘遭毒害 被神秘人長期暗中餵毒藥……
無綫劇《宮心計2 深宮計》進入尾聲，深宮明爭暗鬥愈來愈狠毒，其中皇后王蓁(胡定欣飾) 愈來愈奸，千方百計加害鄭純熙(周秀娜飾)，令人睇到咬牙切齒！不過兩位女角鬥爭未完，深宮竟然發生命案，死者係呂珊飾演的賢太妃！究竟係咩人咁狠毒？
撰文：東方新地｜圖片：微博、劇照、網上截圖｜資料來源 :TVB
｜《深宮計》賢太妃呂珊慘遭毒害
《深宮計》中呂珊飾演的賢太妃，曾被一名侍女刺殺受傷，之後就變得瘋瘋癲癲，精神錯亂，之前一集仲掌摑淑太妃(韓馬利飾)，不過整體而言都係個好人，應該唔會有人想害佢？
瘋瘋癲癲的賢太妃
瘋瘋癲癲的賢太妃雖然身體情況有所好轉，但久唔久都會發作，繼之前掌摑淑太妃後，又突然怒罵太平公主(陳煒飾) 及王皇后(胡定欣飾)！
死因是中毒？
賢太妃死後，太醫檢查屍體時發現其身體浮腫、口腔潰爛，似是中毒死亡，故李隆基(馬浚偉飾)建議解剖賢太妃的屍體查出死因。但王皇后和太平公主今次出奇地齊心，以解剖屍體有損國體為由，齊齊阻止！
不過太上皇再三思索後，唔希望賢太妃死得不明不白，故同意解剖屍體查明真相！
被神秘人長期暗中餵毒藥……
查案就當然又係任三恕(馬國明飾) 同何離(蕭正楠飾)啦，經過一番調查後，發現賢太妃的確是中毒身亡，而且係長期被服水銀毒，證明宮中有人處心積慮置賢太妃於死地！而且之後劇情會提到，太上皇都有可能同樣中水銀毒……
｜文太醫偷走珍貴藥材
另一方面，在劇集中段加入的太醫文可謙(袁文傑飾)，心水清的觀眾都知佢唔係咩好人，接下來劇情仲會講到佢喺太醫署偷走珍貴藥材，結果藥材失竊東窗事發！
利用女人脫罪
於是文可謙就利用宮中兩個對自己有意的女人，徐司珍(羅霖飾)及陸司製(張慧儀飾)，意圖脫罪！
徐司珍助誣陷陸司製
任三恕及何離追查藥材失竊事件，文可謙誣陷陸司製為偷藥材之人，而徐司珍竟然作假證據做幫兇！
