ft pic

相隔18年再拍Bobby 40歲滕麗名冇老過

內地長劇《瑯琊榜》被嫌劇情複雜太冗長,拖低黃金時段收視,好在接力上場的《一屋老友記》有福將歐陽震華撐住,加埋滕麗名、胡楓、羅蘭等老戲骨,話咁快收復失地!修哥羅蘭姐扮鬼固然過癮,飾演兩兄妹的Bobby同滕麗名一樣吸到客!其實兩人早於98年第一輯《陀槍師姐》已經合作過,當時Bobby飾演陳小生,同「陳三元」滕麗名係兩叔姪。18年後再合作,但二人離奇地彷彿冇老過,做咗人妻嘅阿滕只係多咗份女人味,火車軌都唔多條呀!

其他文章︰

傾情演唱〈愛如潮水〉杏兒囧樣再現

孝順又專情 12條馬明毒男金句

入行21年,滕麗名代表作一定係《陀槍師姐》,「陳三元」被奸一幕更加係經典,80後唔會冇印象!阿滕由98年第一輯做到04年第四輯,「陳三元」由單拖到結婚生仔,後來被強姦,又要經歷喪子之痛,最後老公更失埋蹤,堅係慘到冇朋友!

《陀槍師姐》係阿滕代表作,更加令佢識到一個浪費佢9年青春嘅魏俊傑!兩人98年撻着,期間一度談婚論嫁,可惜07年突然傳出分手消息,魏俊傑更於08年娶了內地女學生張利華,被網民喪插係賤男,貪新忘舊!

被魏俊傑浪費咗9年青春,點知阿滕07年再遇上另一個賤男郭政鴻!當時兩人拍《野蠻奶奶大戰戈師奶》撻著,郭政鴻隱瞞自己已婚兼有一個女,同阿滕拍拖兩年,直至09年7月由阿滕宣布分手。

8

以為阿滕條命生得差,好在終於搵到個好老公,13年與金融才俊朱建崑(Matthew)結婚,成功嫁得出!婚後阿滕經常孖住老公周圍飛,一年去幾次旅行,滑雪潛水打golf乜都玩一餐!

年過40,阿滕身型keep得好好,咁多年都冇乜走樣,算係圈中禾稈冚珍珠嘅美魔女!

全文完