【延禧攻略】皇后都好貼地！秦嵐 去米蘭狂掃減價貨
撰文：東方新地｜圖片：秦嵐微博、網上圖片、劇照及電視截圖
秦嵐 去米蘭狂掃減價貨
秦嵐搭咗成16個鐘頭飛機去米蘭，但冇受時差影響要休息，反而出去行街shopping，有內地網友喺一間名店發現「娘娘」，話見佢專攻銀包、手機殼、鞋等特價平貨，貼地到暈，最難得係佢一啲明星架子都冇，全程任影唔嬲，勁Nice！
秦嵐、吳謹言、「爾晴」、「明玉」曾為《如懿傳》試鏡
內地古裝劇《如懿傳》日前公開幕後花絮，花絮中見到劇組當初甄選丫鬟、宮女等角色時，好多女演員都有爭相前往試鏡，原來《延禧攻略》皇后秦嵐、「明玉」姜梓新、「魏瓔珞」吳謹言與「爾晴」蘇青都有份參加過試鏡，不過最後落選，估唔到佢哋憑《延禧攻略》攀上事業高峰。
另外又有網友話喺當地嘅火鍋店見到秦嵐打邊爐，同朋友暢所欲言好開心咁話！
皇后秦嵐 10日減6公斤
喺《延禧攻略》入面飾演「富察皇后」嘅秦嵐，曾喺劇中跳出一曲「洛神舞」令觀眾大為驚艷，但當日佢話自己唔識跳舞，演出全靠演技！不過為參加跳舞真人騷《新舞林大會》，秦嵐真係落足功夫，為咗令兩個女拍檔可以更輕鬆咁舉起佢嚟跳舞，佢竟然喺十日內勁減咗六公斤！
近日秦嵐成功晉身《新舞林大會》準決賽，秦嵐坦言：「能夠入半決賽對我來說是很大的幸運。」
在比賽中秦嵐同兩位女拍檔挑戰「托舉」，而為咗喺比賽中可以被兩位女拍檔更輕易托起，秦嵐不惜用到斷食減肥法，喺十天內勁減六公斤！
不過舞蹈老師就透露秦嵐今次不只被托舉，仲要膝蓋著地被摔出去，搞到膝蓋又痛又腫！
網友看到這張秦嵐坐在地上抱膝嘅照片，更大叫心疼，希望佢能夠好好休息！
仲有唔少網友大讚秦嵐身上嘅紅色舞衣「太美了」，有如「天仙下凡」。
曾參加《舞動奇蹟》
37歲秦嵐在《延禧攻略》中飾演溫婉大方、賢良淑德嘅富察皇后。劇集有口碑及收視，令秦嵐人氣急升！
網民都大讚秦嵐係最溫柔嘅皇后，仲讚佢演活乾隆心目中嘅「白月光」。
秦嵐在《延禧攻略》以一支「洛神舞」艷驚四座，但佢就自嘲：「我是靠演技在跳舞的奇女子。」
原來佢最近參加咗一個跳舞比賽真人騷《新舞林大會》，喺節目上佢自白：「我以前演過的『綠萍』、『知畫』好像都會跳舞，但是這些都用了很多替身。」
秦嵐話希望喺節目上搵到好老師，幫助佢認真學習跳舞。
但喺節目後台佢一度哭崩，原來係因為壓力太大：「我想回家了，我覺得我坐這兒幹嘛？那麼多人都跳得那麼好，我為什麼要在裡面競演。」
秦嵐07年仲參加過另一跳舞比賽真人騷《舞動奇蹟》，當時佢同無綫藝人黃致豪（前名黃長興）組成一隊。
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
