簽朱茵經理人 鄧麗欣 ?做國內騷

去年 鄧麗欣 (Stephy)遇感情重挫,與拍拖十年的方力申分手,愛情失意寄情工作,不過今年初她與太陽娛樂約滿,有傳Stephy不欲與舊愛小方同公司,加上一直遭薛凱琪騎住,所以堅決離巢!Stephy拍的電影有價有市,唔憂冇着落,月前她秘密加盟凱藝國際娛樂,做朱茵及蔡少芬同門師妹,據知其公司在國內人脈甚廣,而Stephy最想參加在內地甚受歡迎的真人騷,希望步朱茵同蔡少芬後塵,接國內騷爆紅狂賺人仔!

鄧麗欣 ?做國內騷簽朱茵經理人

Stephy三年前重投金牌經理人Paco(黃柏高)懷抱,簽約太陽娛樂 ,今年初她靜悄悄地約滿離開,有傳她將會過檔古天樂的公司,亦有傳她會自組公司,但原來她已加盟凱藝國際娛樂。介紹番先,凱藝娛樂在香港並不知名,不過旗下藝人有蔡少芬、朱茵、陳法蓉、張晉及黃貫中等,雖然全部人都與Stephy毫無關係大纜都扯唔埋,不過Stephy揀得一定有其原因。

延伸閱讀:

2017港姐 12強一覽

男同學爭媾 朱千雪變身Law界女神

去年Stephy與劉浩龍一齊傍住太陽娛樂老闆洗米華出席活動,但原來當時Stephy已萌生去意,今年初完約即拜拜。

 

Stephy新簽的凱藝國際娛樂,基地設在北京,旗下藝人有蔡少芬、朱茵、陳法蓉、張晉、歐倩怡及導演戚其義等,當中八成藝人都是基督徒,據知公司大老闆是國內資深娛樂人,人脈甚廣,國內電視台都愛找旗下藝人合作。

多間公司招手 轉攻內地市場及國內騷

Stephy新簽的凱藝國際娛樂,基地設在北京,旗下藝人有蔡少芬、朱茵、陳法蓉、張晉、歐倩怡及導演戚其義等,當中八成藝人都是基督徒,據知公司大老闆是國內資深娛樂人,人脈甚廣,國內電視台都愛找旗下藝人合作。知情者透露:「Stephy唔簽 太陽娛樂 後有好幾間公司都向佢招手,不過佢想搵間喺國內多窿路但又多香港藝人簽嘅公司,凱藝啱晒佢河車,個大老闆同國內電視台關係好好,近年蔡少芬、朱茵同阿Paul都不停做真人騷,個個做完人氣爆燈錢亦搵到錢,Stephy就係想?呢啲 國內騷 做 ,當然佢仲會keep住喺香港拍吓電影,不過主力都係返大陸搵食做 國內騷。」

蔡少芬、朱茵與陳法蓉唔止係多年好姊妹,近年更先後加入凱藝一齊搵人仔。

 

升呢國際級動作演員的張晉,近年不停接拍大卡士電影,依家拍緊葉問外傳。

 

黃貫中簽凱藝後不停北上開騷,早前拍住舊拍檔世榮現身內地節目「跨界歌王」。

 

目標有一億身家

早前小方被爆有一億身家,Stephy回應時好認真咁數身家:「一億係我嘅目標,小方有咁多錢,我就肯定冇,我得好少啫!7千萬啦!」Stephy自爆現時集中投資在物業和內地時裝生意上,再加上簽新公司重新出發,一億身家好快就達到啦!

早前未簽新經理人,Stephy落得清閒,頻頻做善事,其中一次更與舊愛小方同場,二人見面表現尷尬。

 

早前有消息指Stephy將會過檔古天樂投資的公司走動作演員路線,Stephy表示去年拍的電影《空手道》是古仔有份投資,才有這美麗的誤會。

發展多元化 有自家品牌

33歲的Stephy入行17年,近年唱歌少拍戲多,發展多元化不愁出路,完約太陽娛樂獲多間經理人公司邀過檔。日前Stephy歌迷會成立十週年,她抽空與近百fans慶祝,更貪得意跳落波波池影相。兩年前Stephy以其時裝品牌名「Loey」成立了一隊排球隊,揚言每年要花幾十萬,身為老闆兼隊長的她表示以打入甲一為目標。

全文完