chi1

舞台劇開騷 子華 法拉輪住爆粗

由男神黃子華、陳法拉同劉俊謙三人主演舞台劇《前度》7月1日開鑼,故事以90年代香港做背景,主要圍繞一對不倫戀嘅男女深愛對方,但兩人存在唔同階級間價值觀爭拗。法拉演教師,而子華係白手興家商人,價值觀分歧令兩人即使相愛,但最後仍無法一起。雖然全劇充滿愛情及點點政治元素,但子華同法拉輪住爆粗,其中法拉說:「教乜X嘢書?幫我打X機!」全場嘩然!

其他文章:

黎明好事多籮籮

12條馬明毒男金句

法拉:幫我打X機!

昨天首度公演,法拉雖然未達百分百狀態,但今次放下女神形象,於劇中頻頻爆粗,飾演喺外國返港嘅佢,憶述外國教書生活時,表示有男學生曾對佢說:「教乜X嘢書?幫我打X機!」又將男女性事掛在口邊,公然「挑逗」子華:「執多劑?你係咪咁快呀?」對白大膽令觀眾嘩然。

子華亦爆粗

雖然今次演舞台劇非棟篤笑,但男神子華又點會令觀眾失望!一樣大爆不同金句,有講男女關係、日常生活,總之十分貼地又實用!

日常生活:

舞台劇一開場,子華不停說:「仆街!」

講到種花,暗諷城大冧天台﹕「種乜X嘢!香港政府應該禁止啲人種嘢!」

法拉話搭巴士可以睇人生百態,子華反駁:「如果你同我一樣出身寒微,就知搭巴士無乜嘢學。」

男女關係:

「上帝創造處女,男人創造婦女。」

「最正嘅感情係兩個人光明正大,毫無保留;亦係最危險,因為你就係得兩個人,要瞓晒身落去先得。」

「千絲萬縷,唔係執一劑就搞掂。」

全文完