蕭正楠

蕭正楠慘被陳凱琳「拆祠堂」|生日最想翠如送咩?

最新娛聞

廣告

劇集《翻生武林》踏入結局篇,唔少觀眾都讚揚劇集係非一般喜劇,無厘頭得來又有啲深度,紛紛表示非常唔捨得。日前一眾演員包括主角蕭正楠、陳凱琳及黃智賢等出席宣傳活動,蕭正楠玩遊戲時更慘被陳凱琳「拆祠堂」!另外聽日就係蕭公子41歲生日,被問到想女友黃翠如送咩俾佢,蕭公子呢個時候又肉麻啦!

撰文:東方新地|圖片:東方新地、《翻生武林》截圖

陳凱琳感激觀眾支持

《翻生武林》呢套古裝喜劇好評如潮,網民激讚劇情貼地又搞笑!主角之一嘅陳凱琳 (Grace)知道呢個好消息後,覺得好開心,又感激觀眾對劇集嘅支持。

蕭正楠慘被陳凱琳「拆祠堂」

活動上蕭正楠同陳凱琳穿上相撲手服飾,玩遊戲玩得好投入,陳凱琳之後仲high爆一腳踩落疑似蕭公子下體位置,搞到佢都不禁高呼「你小心踩到我祠堂呀!」

陳凱琳:拍到腦充血

劇中陳凱琳有一幕被倒吊的戲份,佢話噚晚同爸爸一齊睇,並透露呢場戲雖然只有一分鐘,但當時拍咗好長時間,倒轉咗個人好耐,拍到腦充血。

陳凱琳獲父激讚「好得意」

但係陳凱琳噚晚同爸爸睇的時候,爸爸冇擔心過自己之餘,仲要睇得好興奮,獲爸爸激讚眼仔碌碌好得意,成隻小魔怪咁,相當無奈!

蕭正楠迎接41歲

另外,聽日就係蕭正楠41歲生日,大會準備咗蛋糕同佢預祝,場面溫馨!問到蕭正楠聽日將會點慶祝大日子,佢就話人愈來大,簡單同朋友食餐飯已經好滿足,禮物唔重要,不過搞笑話如果有人送電視、送車俾佢都無所謂!

問到女友黃翠如有咩表示,蕭正楠甜笑指兩人年年都會一齊慶祝,至於禮物方面,翠如已經準備躢一份好有心思嘅禮物,不過佢就唔會透露畀大家知,想保持神秘喎!之後蕭公子又暖男上身話:「佢送個心俾我得㗎啦!」連在旁的陳凱琳聽完都覺得冧!

睇埋訪問片:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!