袁偉豪

袁偉豪親自剖白:爸爸情況好反覆!

在無綫劇《棟仁的時光》中,袁偉豪(Ben)飾演要靠接吻來偷取時間延續生命的棟仁,劇中多次生命倒數剩下30分鐘,而現實中患癌的父親同樣面對生命倒數,令他非常感觸。日前袁偉豪帶住女友張寶兒陪父母到黃埔飲茶,離開時見他推住身體消瘦要坐輪椅的父親,眉頭緊皺的他疲態盡現,接受本刊記者訪問時,他坦言父親現時情況好反覆,令他心情好沉重,同時經濟上壓力亦好大⋯⋯

撰文:東方新地|圖片:新傳媒圖片庫、袁偉豪IG

袁偉豪 拍拖盡孝心

本刊記者日前影到袁偉豪陪爸爸飲茶,問佢爸爸依家情況點?袁偉豪答:「爸爸嘅病情好反覆,有時夜晚會呼吸困難,抖唔到氣,依家唔使住院,因為身體虛弱冇任何治療可以再做,亦食唔到嘢,只靠營養奶粉。依家都係一有時間就陪爸爸,同屋企人有共識,想全天候都由親人照顧佢,唔想佢因為我哋疏忽而跌親受傷,媽咪做埋呢個月就退休,佢都會好辛苦,所有一有時間就陪吓佢哋,想盡量做好啲。」

袁偉豪
上周二(1日)早上11時許,袁偉豪與女友張寶兒以牛仔工人情侶裝出動,由將軍澳寓所出發到黃埔陪父母飲茶,離開時袁偉豪負責護送坐輪椅的父親。

 

袁偉豪
袁父與癌搏鬥多年,經過多年治療身體變虛弱,外出要穿羽絨保暖。推住輪椅的袁偉豪一直愁眉不展,心情看來很差。

係咪搵過晒啲偏方去醫爸爸?袁偉豪表示:「有段時間係,朋友亦有好多偏方提議,不過依家唔敢試,佢唔係癌症初期,未必承受到。依家keep住睇中醫,爸爸心態上好堅強,我做仔亦會全力support佢。聽到佢有時講好辛苦會唔開心,佢話瞓唔到,我會好擔心。又會諗番起以前細嗰嘅嘢,見完佢返到屋企靜落嚟會好心嗡。」

袁偉豪
袁偉豪推父親到附近上車,其母與女友亦陪伴左右。扶父親上車時,袁偉豪用手護住車頂位置免父親撞到,非常體貼,而張寶兒則協助袁母收起輪椅。

袁偉豪

認有經濟壓力

問佢呢幾年忙工作有冇忽略屋企人?袁偉豪話:「坦白講,雖然大時大節有返去食飯,但呢兩年真係好忙,我錯失咗好多嘢,嫲嫲過身、啲貓貓狗狗要走,見唔到佢哋最後一面,我喺事業上好拚搏,有得亦有失。總之依家私人時間都會拎出嚟陪家人,好似畀你哋影到呢次,我都係去相熟酒樓搵間房同屋企人飲茶,希望有個舒服嘅空間。」

袁偉豪
身心勞累的袁偉豪承認最近因家事經常乸口乸面,不過他認為自己處理得到,再加上有女友張寶兒的支持,人生低潮總會過去的。

提及爸爸嘅醫藥費都係佢負責?袁偉豪答:「早幾年佢有保險,近年醫藥費同生活費都交畀我,屋企人對我嚟講好重要,我仲有能力,又係長子,頂得住。」經濟上壓力都好大?係咪為搵錢養家好努力工作?袁偉豪直言:「呢個都係㗎!好彩我有個好好嘅經理人,佢幫我喺開新劇前接咗好多出面嘅搵錢job,亦多謝好多客戶肯用我。

袁偉豪
問到女友係咪好支持佢?袁偉豪說:「佢全力支持我!寶兒係一個好sweet好正面嘅女仔,佢好明白呢刻我要照顧好屋企。」
袁偉豪
袁偉豪陪完父親飲茶即與女友駕車返回將軍澳愛巢休息。

壓力大甩頭髮

心理壓力大唔大?袁偉豪話:「呢個月心情好沉重,大家都睇到我個樣好唔開心,仲甩咗好多頭髮,有壓力所以甩多咗。坦白講,好難每個場合都咁完美、咁寬容去面對,有時出席活動對住鏡頭笑完,再見到fans我已經冇晒心機,唔想刻意去扮開心。怕唔怕會有情緒病?我覺得自己處理到,不過近排有啲宣傳訪問都推咗,連買咗嘅Burno Mars飛都送咗畀人,真係冇心情,有時唔想見人。」

袁偉豪
因憂心病重父親,既要工作又要抽空照顧,袁偉豪壓力大到狂甩頭髮,平時出鏡都會刻意遮掩,不過私底下的生活照卻見髮線變得稀疏,驚現頭皮。

頻撲走埠

袁偉豪近年備受無綫力捧,前年主演劇集《城寨英雄》憑牙佬一角彈出,過去兩年雖在台慶頒獎典禮上落敗視帝,但奪得「最受歡迎電視男角色」。除了拍劇,他亦深得廣告客戶歡迎,近年接下不少品牌活動及返內地登台走埠,更多次為好友周栢豪的內地巡迴演唱做嘉賓。

袁偉豪
周栢豪個唱巡迴
袁偉豪
尼泊爾出活動
袁偉豪
品牌代言

惹火小生

日前袁偉豪出席《復仇者聯盟3》特別場,竟被行內人開Po指摘「自以為天王巨星的TVB男Artist」態度差,稱食薯片時被對方叫細聲點。袁偉豪自動「對號入座」,發長文澄清過程中絕對有禮貌,並先行致歉,其後獲各界好友齊撐他為人斯人有禮貌,該行內人因放上網公審受非議,事後亦有意向袁偉豪道歉。

袁偉豪

愛的遺憾

失去至親,最遺憾是愛得太遲,未能見最後一面好好道別。袁偉豪去年因工作未能見最疼愛他的嫲嫲最後一面,再加上接二連三家中貓狗的離世,他深受打擊。

袁偉豪袁偉豪

袁偉豪袁偉豪

父子緣薄

父親患癌且情況轉差,袁偉豪坦言雖然自小與父親緣薄,但不時會想起小時候的片段,令他非常感觸。袁偉豪表示父親很堅強,亦感激母親對父親的照顧。

袁偉豪 袁偉豪

袁偉豪