謝賢

年過八十 依然又fit又有型 四哥謝賢 有咩長春秘笈?

最新娛聞

廣告

謝賢當年係全港最紅小生、電影一線巨星,霆鋒都話過老竇當年好搶手,一套戲片酬閒閒哋可以喺尖沙咀山林道買一個「冧巴」喎。老老實實,全盛時期嘅謝賢靚仔有型無可匹敵,其實五十年後82歲,一樣係又fit又有型,仲要風度翩翩,又有幾多個熟男可以夠佢嚟?

撰文:東方新地|圖片:新傳媒圖片庫、謝賢微博

謝賢長春秘笈

嗱,如何年過八十都保持身材心境繼續年輕?當然要好似謝賢咁繼續開吓工、見吓朋友、拍吓拖咁唔好當自己係長者、唔好同社會脫節啦!

日前,謝老四約人去中環茶敍,目測兩位朋友後生過謝賢一大截,不過一樣有傾有講冇代溝、仲要同後生行得一樣利落又快趣,謝賢嘅養生之道,點到你唔服?

日前謝賢相約友人於中環茶敍,目測朋友年齡層橫跨三字頭至五字頭,一樣溝通到,笑笑口,全因四哥最鍾意同年輕人接觸,時刻保持年輕心境。

不過班老友都好重尊同照顧四哥,一齊搭電梯時一前一後護到實,臨落電梯又習慣性擰轉頭望實四哥。

話題成餐茶都未傾完,臨出商場又駐足大堂講多兩句,呢個時候大家係唔係都好想四哥分享吓護髮秘技呢?點解82歲頭髮仲係「很長、很濃、很黑」?

終於傾夠道別,見到保母車嚟到,四哥伸一伸手、頭也不回,無聲勝有聲,型到一個點!

同場加映:謝賢爆當年摑曾江係做戲 被擺上枱好陰功⋯⋯

猶記得2015年8月時,謝賢(四哥)在《4個小生去旅行》記者會上怒摑曾江,事件震驚娛樂圈,成為全港市民茶餘飯後的話題。事隔多年,四哥突然大爆內幕,竟然話自己同曾江不知幾老友, 大爆當年怒摑一幕其實係做戲,仲話自己好陰功⋯

四哥表示自己同曾江不知幾咁friend,稱其實「當時係做戲嘅」⋯⋯

經典回帶:

回一回帶先!事緣2015年8月時,四哥與曾江、胡楓 (修哥)及Joe Junior齊齊宣傳大台節目《4個小生去旅行》,但記者會上四哥疑與曾江有積怨,竟然大庭廣眾出手怒摑曾江!修哥勸交時被打飛眼鏡、Joe Junior則在旁做專業收音員,場面一片混亂⋯⋯

有片睇:

謝賢自覺好陰功

睇完上文,相信大家都記得番件事,四哥早前喺活動上大爆當時只係做戲,「怒摑」呢幕戲係佢哋四人一齊商量邊個做,最後就決定由四哥「出手」!四哥笑說打完一巴攞晒風頭,不過事後就唔過癮啦,個個都指住佢嚟鬧,好陰功!四哥又稱本來係由修哥出手,但對方說話唔太流利,所以自己頂上!

最好戲係修哥?

但當時打到修哥眼鏡都甩埋喎?四哥又爆係修哥做出來的戲劇效果,老戲骨即係老戲骨,好戲過晒佢哋所有人咁話!

假的真不了?

想當年《4個小生去旅行》記者會上四哥怒摑曾江,修哥勸交時更被打飛眼鏡。當時四哥表示到俄羅斯拍攝期間,曾江以痛風為由,一拍完立即坐上輪椅並要求工作人員推輪椅。「X!嗰陣無理由叫人由早推佢推到晚啫,仲要畀佢喝!」

謝賢(四哥)表示一路忍住曾江無出聲。心諗:「真係痛風又點會有日拍煮嘢食,突然又可以企足兩個鐘又唔痛!」

事後交足戲?

當時四哥愈講愈嬲,覺得入行60年首次受辱,得知曾江表示等謝賢(四哥)電話道歉嗰陣,謝賢(四哥)一口拒絕表示:「叫佢等我入棺材嗰日啦!」

四哥仲表示:「打佢好出奇咩?佢真係打得少啊!不可一世,拍嘢嗰陣已經忍夠佢!」

延伸閱讀:

【延禧攻略】原班人馬開新劇!《皓鑭傳》邊個冇得留低?

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言