謝賢

年過八十 依然又fit又有型 四哥謝賢 有咩長春秘笈?

謝賢當年係全港最紅小生、電影一線巨星,霆鋒都話過老竇當年好搶手,一套戲片酬閒閒哋可以喺尖沙咀山林道買一個「冧巴」喎。老老實實,全盛時期嘅謝賢靚仔有型無可匹敵,其實五十年後82歲,一樣係又fit又有型,仲要風度翩翩,又有幾多個熟男可以夠佢嚟?

撰文:東方新地|圖片:新傳媒圖片庫、謝賢微博

謝賢長春秘笈

嗱,如何年過八十都保持身材心境繼續年輕?當然要好似謝賢咁繼續開吓工、見吓朋友、拍吓拖咁唔好當自己係長者、唔好同社會脫節啦!

謝賢

日前,謝老四約人去中環茶敍,目測兩位朋友後生過謝賢一大截,不過一樣有傾有講冇代溝、仲要同後生行得一樣利落又快趣,謝賢嘅養生之道,點到你唔服?

謝賢

日前謝賢相約友人於中環茶敍,目測朋友年齡層橫跨三字頭至五字頭,一樣溝通到,笑笑口,全因四哥最鍾意同年輕人接觸,時刻保持年輕心境。

謝賢

不過班老友都好重尊同照顧四哥,一齊搭電梯時一前一後護到實,臨落電梯又習慣性擰轉頭望實四哥。

謝賢

話題成餐茶都未傾完,臨出商場又駐足大堂講多兩句,呢個時候大家係唔係都好想四哥分享吓護髮秘技呢?點解82歲頭髮仲係「很長、很濃、很黑」?

謝賢

終於傾夠道別,見到保母車嚟到,四哥伸一伸手、頭也不回,無聲勝有聲,型到一個點!

謝賢

同場加映:謝賢爆當年摑曾江係做戲 被擺上枱好陰功⋯⋯

猶記得2015年8月時,謝賢(四哥)在《4個小生去旅行》記者會上怒摑曾江,事件震驚娛樂圈,成為全港市民茶餘飯後的話題。事隔多年,四哥突然大爆內幕,竟然話自己同曾江不知幾老友, 大爆當年怒摑一幕其實係做戲,仲話自己好陰功⋯

謝賢

四哥表示自己同曾江不知幾咁friend,稱其實「當時係做戲嘅」⋯⋯

謝賢

經典回帶:

回一回帶先!事緣2015年8月時,四哥與曾江、胡楓 (修哥)及Joe Junior齊齊宣傳大台節目《4個小生去旅行》,但記者會上四哥疑與曾江有積怨,竟然大庭廣眾出手怒摑曾江!修哥勸交時被打飛眼鏡、Joe Junior則在旁做專業收音員,場面一片混亂⋯⋯

1

四哥怒摑曾江一幕!
點知禍及無辜,做和事佬的修哥被打甩眼鏡。
Joe Junior繼續收音!
4
最後四哥嬲爆走人!

有片睇:

謝賢自覺好陰功

睇完上文,相信大家都記得番件事,四哥早前喺活動上大爆當時只係做戲,「怒摑」呢幕戲係佢哋四人一齊商量邊個做,最後就決定由四哥「出手」!四哥笑說打完一巴攞晒風頭,不過事後就唔過癮啦,個個都指住佢嚟鬧,好陰功!四哥又稱本來係由修哥出手,但對方說話唔太流利,所以自己頂上!

最好戲係修哥?

但當時打到修哥眼鏡都甩埋喎?四哥又爆係修哥做出來的戲劇效果,老戲骨即係老戲骨,好戲過晒佢哋所有人咁話!

假的真不了?

想當年《4個小生去旅行》記者會上四哥怒摑曾江,修哥勸交時更被打飛眼鏡。當時四哥表示到俄羅斯拍攝期間,曾江以痛風為由,一拍完立即坐上輪椅並要求工作人員推輪椅。「X!嗰陣無理由叫人由早推佢推到晚啫,仲要畀佢喝!」

TUNGSTAR5518266

謝賢(四哥)表示一路忍住曾江無出聲。心諗:「真係痛風又點會有日拍煮嘢食,突然又可以企足兩個鐘又唔痛!」

TUNGSTAR5518281

事後交足戲?

當時四哥愈講愈嬲,覺得入行60年首次受辱,得知曾江表示等謝賢(四哥)電話道歉嗰陣,謝賢(四哥)一口拒絕表示:「叫佢等我入棺材嗰日啦!」

TUNGSTAR5518291

四哥仲表示:「打佢好出奇咩?佢真係打得少啊!不可一世,拍嘢嗰陣已經忍夠佢!」

TUNGSTAR5518287

延伸閱讀:

【延禧攻略】原班人馬開新劇!《皓鑭傳》邊個冇得留低?