何雁詩

違背父願 棄做運動員 何雁詩加簽保鄭俊弘

最新娛聞

廣告

戀愛大過天的何雁詩,上年被揭戀上同門師兄鄭俊弘,即使背負第三者罪名,亦為愛勇往直前,今年一月,何雁詩決定約滿離無綫後復出再打哥爾夫球,重過運動員生涯。不過,近日她突然轉軚自動加簽歌手及藝員合約,原來又係為咗幫男友;據知鄭俊弘同唱片公司及無綫尚有幾年長約,眼見事業插水,惟有不停同高層𢱑撈,又氹女友何雁詩留低撐自己,為保男友事業,何雁詩不顧父母反對,放棄運動員夢想都要同男友共同進退。

撰文:東方新地|圖片:新傳媒圖片、何雁詩IG

偷食何雁詩 鄭俊弘 獲放生出碟

上年爆出背未婚妻偷食師妹何雁詩,之後又被指疑用釘帶虐狗,鄭俊弘形象插晒水,經過大半年時間洗底,今個月終於獲唱片公司放生解凍再出碟。據知情者透露:「星夢一路好睇重阿Fred (鄭俊弘),呢幾年佢機會好多,就算爆出一腳踏兩船件事,公司都肯再畀機會佢,要佢最緊要搞清楚啲關係,唔好拖泥帶水,但佢仲唔知悔改,唔夠幾個月又搞出虐狗件事,形象衰到貼地,公司對佢好失望,寧願將啲資源放去捧聽話形象好嘅Hubert (胡鴻鈞),阿Fred見Hubert呢一年聲勢咁好,都唔係好服氣,成日搵老細Herman (何哲圖) 𢱑撈!」

Stephanie Ho(@honganc)分享的貼文 張貼

鄭俊弘畀幾年長約綁住,反而何雁詩今年八月約滿,可以大把選擇,曾經是哥爾夫球選手的她,更依父親意願計劃離巢復出 再做運動員。何雁詩六歲已經開始打哥爾夫球,曾於10年代表香 港出賽「廣州亞運哥爾夫球賽」,入娛樂圈才放棄運動員夢 想。據知情者透露:「Stephanie(何雁詩)性格好硬頸,佢唔覺 得拍拖有咩唔啱,唔鍾意下下畀公司管住,咁啱年中約滿,佢一 早計劃咗復出再打哥爾夫球,一月佢參加業餘哥爾夫球賽,仲攞到冠軍,更加唔想再留喺娛樂圈。」

Stephanie Ho(@honganc)分享的貼文 張貼

Stephanie Ho(@honganc)分享的貼文 張貼

激嬲何爸爸

不過為保男友,何雁詩最終選擇續約留低同男友共同進退。據知情者透露:「Stephanie話想復出打Golf,何爸爸好支持,始終娛樂圈呢行壓力大,是非又多,何爸爸都唔想個女留喺呢個圈咁辛苦,點知Stephanie最後改變主意又為咗男友而留低,激到何爸爸好嬲,但勸唔掂個女,所以一直對阿Fred印象麻麻,不過唔想個女情緒病復發同唔開心,被迫接受。」

續約即拍劇

為保男友事業,據知何雁詩同無綫續約留低,之前扭計辭演《誇世代》的她,立即復工拍攝新劇《牛下女高音》。

Stephanie Ho(@honganc)分享的貼文 張貼

甜蜜放狗

日前,本刊就捕獲何雁詩同男友鄭俊弘拍拖出巡,一齊在西貢放狗兼約友人茶敍,之後齊齊返回西貢村屋寓所,有男友在身邊,何雁詩全程笑唔停,愛情魔力,真係令人無法想像。

同場加映:鄭俊弘以前有個富貴未婚妻

鄭俊弘同何雁詩之前算係上位中的大台藝人,形象健康,愈來愈多機會喺不同劇集亮相。不過去年被大爆,其實阿Fred有個已經收埋三年的富貴女友,佢更在15年向女友求婚成功!女方一家無論生活定感情上都對阿Fred照顧周到,但男方就唔知足去偷食,搞到何雁詩做咗第三者!

深圳求婚成功

話說早於2014年7月一個船P上,鄭俊弘認識由外國讀完船回港的富家千金,Fred暱稱對方為Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!

旅行女家俾錢

既然阿Fred同Beebs都打算結婚,女方家人都當正佢係女婿一樣,每次一齊家庭旅行唔係坐頭等就係商務客位,就算係旅行使費,對方都唔會問阿Fred攞番;而近年沒有工作的Beebs亦專心替未來老公打理家中大小事務,由飲食到愛犬都照顧得無微不至,似乎係個賢妻喎!

Uber出事

不過,鄭俊弘同何雁詩拍完〈真心真意〉MV後,突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔,本來話自己會9點返到,點知最後話要開會搞到凌晨四點先到家,女友一早已經瞓咗。翌日Beebs如常替阿Fred處理單據時,發現對方開咗個新Uber戶口,見到佢凌晨3點由大埔滌濤山去中環碼頭,付款人仲係一個「Stephanie Ho」開頭的戶口!

發火刪除訊息

據知Beebs即時大興問罪之師,不過阿Fred不斷強調同何雁詩只係朋友,而Beebs亦一時心軟原諒對方,之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話,於是要求Check電話,阿Fred見事敗就即時大發脾氣話唔俾,仲delete晒自己同何雁詩的Whatsapp紀錄,不過同何雁詩的大量通話紀錄就仍然喺度。

依家阿Fred承認鍾意何雁詩,而Beebs亦終於睇清未婚夫的真面目。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言