濃妝戒備日操廿小時 鄭秀文苦撐最後一騷
撰文：東方新地 圖片：新傳媒圖片、IG
鄭秀文 化濃妝增自信
上月驚爆的許志安與黃心穎「安心偷食」，事件不止震驚兩岸三地娛樂 圈，更震碎了Sammi鄭秀文的心。Sammi在事件爆出後兩日就引述聖經金句回應，指已經原諒安仔，並希望事件盡快平息，可以回歸平靜，而她亦 以行動來證明自己的寬宏大愛，生活似是重回正軌，繼續為7月的個唱日夜 進行排練。
被慾火沖昏頭腦的許志安與黃心穎，在出軌事件後男潛 水、女著草，暫時可以避世唔見人，留下的爛攤子就由 其他人收拾。
Sammi選擇繼續在社交網發放正能量，讓大家看到她重新振作，似是 沒有受到安心事件影響，可是28年的感情毀於一旦，Sammi呃到人根本呃 唔到自己，不難發現，最近Sammi幾乎全部自拍照都化上濃妝，即使去健 身排舞都黐上誇張的假眼睫毛，與以前愛素顏做運動，不介意以真面目示 人的她完全不一樣。據知情者透露：「小三來襲、防不勝防，自從知道安仔 同姣心穎單嘢，Sammi嘅自信心開始動搖，以前佢唔使做嘢一定素顏，依 家佢喺屋企自拍都要化妝，無時無刻都警惕自己要執靚啲，去排舞都堅持 要黐假眼睫毛，化妝同卸妝花多咗好多時間，其實佢好唔夠瞓。」據知現時 Sammi每日都要為個唱開會、練歌與排舞，去排舞室操完七、八個小 時，返到屋企她都堅持拉筋做運動，做到攰才讓自己上床休息，平均每日 的休息時間只有幾小時。
5月13日 出關現痛的紋身
周一（13日）下 午2時許，手瓜起晒 𦟌的Sammi坐七人車到 達九龍城排舞室，表情 甚cool的她左手戴上多 條手繩，不過手腕上 血紅色的紋身仍清 晰可見。
出道31年的Sammi，96年舉行首個紅館個唱，每次開演唱會她都對自 己要求甚高，對上一次她全程失聲，已為她帶來陰影，而今次更是身心都 負壓。近年習慣每天跑8公里的Sammi，今年年初突然膝蓋筋腱發炎，醫生 叮囑她要讓雙腳好好休息兩個月，對Sammi來說當然晴天霹靂，到上月她 可以開始做運動，又發生安心事件。對於人生充滿挑戰，面對生命的無 常，Sammi曾公開表示最重要是學習隨遇而安，一切困難都是考驗，她 說：「每當人生出現困難，就鼓起勇氣面對它，這些年來，好像有份使命感 讓我克服每個新挑戰，又總是關關難過關關過！我從不會在意我不能做甚 麼，只會專注於我可以做甚麼，然後盡力去做。」有傳完成今次十三場演唱 會，Sammi將會休息一段長時間，所以這次個唱極有可能是她最後一騷。
紋紅繩保婚姻
說易做難，Sammi不是聖人，這次的心理關口，不是豁達地說一聲原 諒就可以當是甚麼都沒發生過，她強裝堅強的同時，內心的傷痛其實非常 抑壓。而Sammi選擇了以紋身來紀錄這次不能磨滅的傷痛，據知情者 說：「安心事件喺4月16日被公開，但Sammi早過呢日已經被通知呢件事會 通天，諗都諗到佢當時有幾傷心同激動，雖然最後佢選擇原諒，仲同安仔 商量好點樣去處理，但呢種痛一直消除唔到，為咗記住呢種痛，佢紋咗一 條血紅色好似手繩嘅紋身喺左手手腕上，有指戴紅手繩代表永遠可以同深 愛嘅人一齊嘅意思，Sammi真係好愛安仔，為咗老公真係承受咗好多痛 楚。」
早在安心事件爆煲前三日（即4月13 日），Sammi在社交網上載了一張狀甚憂鬱的托頭照，據知這日她已知道事件即將通天，更在左手手腕紋上痛的紋身，永遠記住當日的痛。
雖然keep住排舞做運動，但 Sammi最近身形圓潤了不少，這日現身 九龍城排舞室，兩 邊腋下的副乳 現晒形。
十惡不赦的安仔與心穎可以避世唔見人，可憐Sammi仍要出來為個唱作 出準備，日前她終於出關到九龍城的排舞室練舞，連續數天Sammi都化上靚 妝一身運動打扮現身，雖然精神不錯但笑容仍牽強，不過每次見到在場陪出 陪入的忠粉，她都會極力擠出微笑。現場所見，Sammi本來白滑的雙手，近 日戴上了多條顏色手繩，細心一看發現其左手手腕真的出現了一條鮮紅色的 紋身，不過Sammi落車時見記者拍照，會有意無意把左手放在背後，似乎不 想這紋身曝光。而翻看Sammi的社交網，她在4月13日曾經上載了一張左手托 頭的自拍照，這紋身首次出現，不過之後她都戴上手繩遮掩才未被發現。
破飯戒狀態好
除了做好心理調整，萬大事都要做好演唱會為先，Sammi暫把傷痛放在 一邊，為了籌備個唱她更破飯戒，據知情者透露：「Sammi自細就係肥妹 仔，入行後佢好努力減肥，96年第一次個唱開始戒飯，真係瘦得好快，已經 23年冇食飯嘅佢早前開始食番飯，營養師叫佢食紅米、糙米同小米，一定唔 會肥，因為Sammi為個唱排舞消耗好多體力，佢想今次好健康咁開騷，唔想 好似以前瘦到鋼條咁，食番飯令佢覺得自己有氣有力。」喜見Sammi為了身體 健康肯再嗅米氣，不過左手上的血紅紋身，足見她始終未能釋懷，要永世銘 記這次安仔出軌之痛。
經過此事，大家都覺得安仔愛Sammi不起，但Sammi始終忍痛原諒安 仔，唱盡多首愛情輓歌的Sammi，不少歌詞都好應景，今次開騷必定淚水與汗水大爆發，入場的歌迷記得帶定紙巾陪喊。
兩條紅繩
這日Sammi畫晒眼線、黐晒假眼睫毛再加鮮紅唇膏去排舞，離開時驟眼見她左手有兩條紅繩，其中一條是紋身，據知戴紅繩有催桃花保姻緣之意，表示著一輩子不離不棄。
支持banner 掛排舞室
粉絲除了護送 Sammi去排舞 室，更在門外 掛上特製的窩 心海報，為偶 像打氣。
另類母親節
周日（12日）母親節，Sammi在家 與兩隻寶貝貓狗合照，還說自己 是另類母親，相中Sammi有點疲態，與安仔的愛犬眼神一致。
禁飯23年 破戒谷體力
近月為個唱積極籌備的Sammi，連禁飯23年都破 戒，幾乎日日食飯補充體力。周一（13日）排練至 晚上11點才回家，Sammi即場鯨吞一大碟叉燒 飯，狼吞虎嚥的食相前所未有。
早年患過抑鬱的Sammi ，病癒後重新找回真的自 己，她說過愛做真我，在家自拍不時素顏示人，不過 自安心事件後，她的妝愈來愈濃，以前自信滿滿的 Sammi 不見了。
Bra Top上陣
除了排舞都化濃妝， Sammi近日更頻頻以 bratop上陣，她表示 今次要以最健康的體 態示人，所以一定要 吃得飽，才能應付大 量的體力勞動。
Sammi經歷女人最痛，圈中大班 好姊妹紛紛在其社交網以示支 持，知道她終於破戒食飯，大家 都舉腳贊成。
棄鋼條與素顏
開過無數次個唱的Sammi，每 次都作地獄式減肥與操練，以前愛素顏排舞的她，現在化濃 妝入排舞室，更揚言鋼條身形不會再現，她要的是健美。
