陪未婚妻學車 陳展鵬 單文柔 高調拍拖
去年被斷正拍拖後，陳展鵬刻意把戀情低調，單文柔也配合男友作風，未有把感情事掛嘴邊。直到近半年二人愈來愈高調，早前出尖沙咀食飯遇本刊記者，坐定粒六做陳太的單文柔，笑得好開心。
撰文：東方新地｜圖片：新傳媒圖片庫、Instagram、微博
陳展鵬陪未婚妻學車
早前煎Pang把其座駕停泊在大球場附近，然後坐上女友單文柔駕駛的貨van陪學車，現場所見，煎Pang全程坐在後排位置，貨van兩邊窗拉上黑簾，非常神秘。
騰雞cut線
學神單文柔為考棍波貨van牌學車多個月，不過她表現非常騰雞，更被本刊記者影到爬頭cut線驚險百出，唔知考牌時有冇肥佬呢？
極速竄上車
等單文柔學完車，煎Pang極速上番自己架車離開。
高調拍拖
早前陳展鵬同單文柔出尖沙咀食飯遇本刊記者，坐定粒六做陳太的單文柔，笑得好開心。
煎Pang喜歡出去按摩消除疲勞，單文柔亦投其所好，早前二人去跑馬地按摩，非常識享受。
英法影婚照
陳展鵬於周一 (10日) 宣布做老襯，他曾經講過：「每次拍拖，我都以結婚為目標，就算我20歲時拍拖，亦希望結婚，但感情冇人可保證到。」而他與單文柔拍拖只有一年半，感情一日千里，早前二人到英國及法國旅行，還影了一輯婚紗照，煎Pang每張相都chok爆，準新娘就笑得好甜。
41歲陳展鵬宣布迎娶28歲單文柔，雖然年紀相差13年，但外形非常相襯。
跪地求婚
單文柔自爆煎Pang兩度求婚的經過：「喺香港時，有日佢趁我瞓覺將一隻摺咗心形嘅紙戒指套入我手指求婚，我話呢個唔算數。之後我哋喺英國影婚照時，佢睇到一架英國巴士就立即下跪再一次求婚。」她馬上接過對方花束，驚喜又感動。
為了影婚照，單文柔近月減肥略有成績，穿起deep V婚紗非常搶眼。
成輯婚照煎Pang都冇戴眼鏡，飲咖啡都深情對望碰杯，甜到漏！
