chan

陳妍希 陳曉真的結婚了

因合拍內地劇《神鵰俠侶》而撻着嘅33歲陳妍希同29歲陳曉,自公開認愛後,二人多次甜蜜一起出席活動,感情發展神速,去年更同遊巴黎,傳出陳曉求婚成功!而今年過年時,陳曉更拜訪女友父母。早前有傳二人已準備喺今年擺酒結婚,點知原來今日二人已急不及待,去男方家鄉合肥登記領結婚證,於多位親友見證下正式成為夫婦,而今日亦都係陳曉29歲生日,雙喜臨門,恭喜恭喜!

其他文章︰

傾情演唱〈愛如潮水〉杏兒囧樣再現

孝順又專情 12條馬明毒男金句

7‧19擺酒

相中可見新娘新郎打扮casual,陳妍希穿上紅色長裙,而老公陳曉就短袖白恤衫襯黑褲及波鞋!據知陳妍希一直以嚟都夢想擁有「夏日婚禮」,所以下周派帖喺7月19日先於北京辦婚禮擺酒,再於7月21日立刻喺台北舉行歸寧宴。由於一對新人實在太忙,據知7‧19婚宴選址於北京懷柔片場附近舉行,距離市區約一粒鐘車程,至於喜宴dress code男賓穿白、灰色服裝,女賓則以nude或粉紅色打扮為主。

陳曉眼濕濕

當二人領完結婚證跟大家見面時,陳妍希洋溢幸福笑容,反而陳曉睇落有點緊張,能夠抱得女神歸,陳曉期間感動到眼濕濕,接受大家祝福,場面好溫馨!

全文完