tong

見蔡思貝拎獎黑晒面 唐詩詠解畫稱M痛

唐詩詠日前出席品牌活動時,講到最近好多網友指佢在頒獎禮蔡思貝得獎一刻「黑面」,佢趁機澄清:「都唔知點解咁啱,新加坡、馬來西亞同香港嘅頒獎禮嗰日都係嚟咗女仔嘅病,陳山聰都有提過我水腫,又有好多唔方便嘅嘢,加上嗰日我又著白裙⋯⋯太詳細嘅女仔嘢我就唔回應啦!」
撰文:東方新地

圖片:新傳媒圖片庫

唐詩詠:嚟咗女仔嘅病

問到唐詩詠奪得視后獎座後,是否立即增加咗工作機會,佢就回應冇咁嘅事:「今日係第一份工作,工資都冇上升!」佢又透露下一個目標就係買樓。問到佢升呢視后之後有冇慶功?佢話冇:「因為依家啲朋友都好驚我,驚我個病會傳染畀佢哋,咁等我好番先同佢哋食啦!」講到最近網上有好多網友發現佢在頒獎禮當日蔡思貝得獎的一刻佢就黑晒面,佢趁住呢個機會澄清:「都唔知點解咁啱嘅,新加坡、馬來西亞同香港嘅頒獎禮嗰日,我都係嚟咗女仔嘅病,陳山聰都有提過我水腫,又有好多唔方便嘅嘢,加上嗰日我又著白裙⋯⋯太詳細嘅女仔嘢我就唔回應啦!」

唐詩詠
呢日冇M到,唐詩詠全程笑到四萬咁口。
唐詩詠
唐詩詠指咁啱去年10月21日《星和無綫電視大獎2017》、11月25日《馬來西亞星光薈萃頒獎典禮2017》和今年1月21日《萬千星輝頒獎典禮》都同樣遇上女士唔方便嘅日子。
唐詩詠
唐詩詠話蔡思貝得獎,自己都有現場恭喜佢。

擔心爸爸上網睇負評

因為咁又再同蔡思貝傳不和,唐詩詠就話:「冇呢回事,我都有現場同佢恭喜,呢啲新聞成日都有,當然唔係真啦!」提到唐詩詠得到獎項一刻,有很多網友恭喜佢,但亦有部分網友批評佢,話個獎應該由宣萱攞,詩詠表示:「嗰啲開心同唔開心嘅留言我都有睇,都明白每一個人都有佢自己支持嘅人,宣萱都係我心中嘅最佳女主角!」唐詩詠又透露自己爸爸都開始學識用電話上網,因此希望佢唔會睇到嗰啲唔好嘅留言:「佢依家可能已經開始瀏覽緊關於我嘅事,所以都要同哥哥一齊開導吓佢!」再問到早前跟洪永城復合嘅新聞,佢就表示:「呢啲唔回應啦。」

唐詩詠
網民指蔡思貝獲獎時,唐詩詠全程「黑面」。
唐詩詠
其他人都有鼓掌,係得唐詩詠雙手攬住個肚,佢解釋係因為M痛。
唐詩詠
其實到唐詩詠攞最佳女主角時,蔡思貝都係面冇表情。

疑介入與洪永城戀情

唐詩詠被外界形容為「不能錯過的女友」,但佢入行後三段情都未能開花結果,初出道2000年拍港台劇集《Y2K》跟余文樂撻着,但呢段戀情很快結束,之後05年開始詩詠同崔建邦拍咗9年拖,兩人屢次分手又復合;崔建邦身邊有第三者或陷入低潮時,詩詠都係不離不棄。最後崔建邦承認有新歡,二人九年情才結束!2015年,唐詩詠與洪永城公開戀情,到2017年5月宣布分手,分手原因有指係婚期上未能達成共識,亦有指係因為洪永城不敵大台新一代姣精蔡思貝的誘惑,拍新劇《味想天開》時撻着,成為兩人分手的導火線,令唐詩詠和蔡思貝早有牙齒印!

唐詩詠
唐詩詠和洪永城拍拖兩年多,分手後洪永城話有一個被稱為「不能錯過的女友」嘅女友,令佢承受唔少壓力。
唐詩詠
傳出分手消息後,唐詩詠接受訪問,講到眼濕濕,不斷擠出苦笑。

 

洪永城 蔡思貝 唐詩詠
本刊曾拍到洪永城和蔡思貝兩人去到西貢運動場私會,跑步為名,調情為實,蔡思貝做熱身仲做到腿張開。
唐詩詠
36歲唐詩詠出道18年,有樣有身材,但入行以來三段情都冇好結果。
唐詩詠
唐詩詠話宣萱都係佢心目中嘅最佳女主角。
唐詩詠
講到同洪永城復合嘅報導,唐詩詠就落閘拒回應。