LEON IF

黎明首次執導電影《搶紅》 唔爆金句爆鎗戰

等咗好耐,黎明(Leon)終於有新作喇!黎天王自導自演嘅黑色幽默動作電影《搶紅》,今年5月已喺內地上映,唔少粉絲都問幾時至有得睇,套戲定喺明年1月18日喺香港上映。話晒首次執導,黎明不容有失,佢揾到張涵予、杜鵑與王耀慶等遠赴法國取景拍攝,而喺最新發放的《搶紅》預告片中,唔止有多場大型爆破場面,黎明仲有出浴鏡頭,「黎太」們冇理由唔睇啩?!

撰文:東方新地

圖片:新傳媒圖片庫

黎明 首次執導電影《搶紅》

「明蝠俠」黎明係金句王人人皆知,喺新片《搶紅》入面雖然未見拋金句,但初次執導電影嘅黎明於新片中安排不少爆破場面,而多場動作戲都由他親自上陣,連出浴戲都有,估唔到咁香艷,係「黎太」嘅必入場!

黎明
預告片中,黎明仲有出浴場面,邊個話係女演員嘅專利㗎!
黎明
黎明本身真係好鍾意飲紅酒,也甚有研究,所以佢執導嘅電影都以紅酒做主題!
黎明
嘩!Leon好身手,小編即刻諗起原振俠!
黎明
雖然黎明執導又有份主演,但電影海報入邊,張涵予最大最搶眼!

故事大綱

孤兒張水(張涵予 飾)與好兄弟韋利(黎明 飾)小時候一同在孤兒院長大,但很快韋利就被領養到法國去。多年後,張水突然遠赴法國,找韋利幫他競投一瓶名為“酒神”的紅酒。

Leon在戲中為搶到價值連城的靚紅酒,掀起動作連場。

拍賣戰中,另一組買家是財大氣粗的煤老闆方長方 (王耀慶飾),表面上是個有錢沒品的混蛋,實質深藏不露居心叵測。一場看似手到拿來的紅酒拍賣戰,卻接二連三發生駭人槍擊事件。

韋利被冷豔動人的賣家利芳(杜鵑 飾)吸引著,但背後原來暗藏殺機。而更讓他意外的是,方長方與張水之間似乎也有著不可告人的秘密。究竟誰在騙人誰又被騙?真相恐怕要到最後一刻才水落石出。

關鍵詞
黎明