黃子恆

盤點12位娛圈出軌偷食賤男 一次不忠百次不容!

51歲許志安(安仔)和鄭秀文(Sammi)經歷分手、復合到結婚,今年是兩人結婚5周年紀念,不過今日中午有傳媒收到一條車廂偷情的短片,一對男女主角居然是有婦之夫許志安同有男友嘅黃心穎,兩人竟然背另一半在車廂拖手錫錫!

2013年,許志安和相戀近30年的鄭秀文結婚,雖然2人曾歷經分分合合,但結婚後外界一直認為夫妻倆感情甜蜜穩定,豈料許志安如今竟爆出偷吃風波,成為渣男!其實以往都有不少劈腿、甚至棄糟糠的賤男,同樣令人咬牙切齒,以下12位賤男你一定要看清楚!

撰文:東方新地|圖片:新傳媒、Instagram、微博、劇集劇照

許志安、黃心穎偷食斷正

今日中午有傳媒收到一條車廂偷情的短片,一對男女主角居然是有婦之夫許志安同黃心穎,兩人竟然背另一半在車廂拖手錫錫,該段短片長約16分鐘,片段開首見到安仔、心穎和男友人坐在車廂後座,男友人堅持先送心穎返家,戴了黑色口罩的心穎竟爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,冧爆的心穎搣了安仔耳朵一下,再向男友人爆粗:「你住邊呀?X你!」安仔即叫司機開車往大坑,心穎跟男友人說:「佢(安仔)送我返去呀。」心穎主動蹺實安仔左臂整個人挨在他身上撒嬌,兩人更各用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅。」惟當男友人落車後,安仔和心穎異口同聲跟司機說:「鯉魚門(心穎屋企)!」和安仔獨處時心穎馬上隔住口罩咀了安仔一啖,10秒後索性除口罩埋身攬安仔啜嘴。

咀完後,兩人繼續十指緊扣,之後隱約聽到心穎說:「so sad…我好悶…教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。由大坑到鯉魚門短短10多分鐘車程,「安心」連環激咀逾20次,全程由心穎採取「主攻」情挑安仔,不停攬他狂打茄輪,其中一次纏綿遊戲錫了近1分鐘,咀到啜啜聲,熱情如火的心穎邊咀邊將手放在安仔腿部附近游走;當車輛駛入隧道後,心穎再次飛擒大咬狂咀安仔,咀完後忘形到連口罩都戴歪了,其間隱約聽到心穎說:「…返屋企,唔好驚喎!」就算在「休戰」空檔,心穎都「電兔」上身胸壓安仔,捉安仔隻手又捽又玩手指,甚至當安仔是攬枕,將左腳騎在他的身上,啜面錫耳,還用手指幫安仔抹走嘴上的唇膏,風騷入骨。安仔忘記了自己的人夫身份,雖然9成時間都是心穎「主攻」,但安仔卻表現受落,還主動錫了心穎面珠一啖,更越坐越低,似乎擔心被隔鄰車輛發現,而心穎相當識做,咀完就戴口罩遮樣,又不停幫安仔拉下cap帽遮掩。雖然,當晚心穎表現看似有點醉意,更不時「鬼妹仔」上身大講英文,但差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」。而安仔有點疲態但未覺有醉意。兩人到心穎香閨後齊齊落車,後事如何佢哋最清楚!

「安心偷食」極大可能發生於本月3日,事關當日心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,當晚二人的打扮,跟在車廂的衣服一模一樣。

去年10月,心穎有機會跟安仔在「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,縱使當時他們已經「行埋」一段時間,惟二人全程交足戲故作陌生,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎與許志安於2018年10月為籌款節目《星光熠熠耀保良》合唱,二人在台上手拖手獻唱合唱歌曲「會過去的」,當時已經默契十足,不時情深對望。

二人車廂激吻一事曝光後,即被網上瘋傳及引起網民瘋狂討論,結果網民洗版鬧爆有婦之夫嘅安仔同有男友嘅心穎,心穎亦知事件外揚,即火速關去IG上嘅留言功能,不過避得一時避唔到一世嘅,始終要面對同交代發生咩事!

1.黃子恆偷嗒人妻 疑搞大國產粉絲個肚

黃子恆係近年大台上位小生之一,先後於兩大重頭劇《降魔的》(2017)和《飛虎之潛行極戰》(2018) 飾演奸角,演技備受讚賞,加上本來外型不俗,令佢多了不少粉絲!

黃子恆
《降魔的》劇照
黃子恆
《飛虎之潛行極戰》

《是咁的》演律師獲讚

上星期大結局的台慶劇《是咁的,法官閣下》,收視一般但觀眾評價甚佳,大結局一集更被視為近年少有佳作!劇中黃子恆飾演律師賴澤明表現不俗,與後輩麥明詩的感情線十分討好,成為受歡迎的一對螢幕情侶!

黃子恆
劇中黃子恆與麥明詩呢一對十分討好。

黃子恆

內地女粉絲爆料

不過日前有報道指,一位名為Michelle的28歲內地女子,自稱係黃子恆的忠實粉絲,透露去年4月在廣州粉絲聚會中,首次與偶像見面,之後二人一直透過微博聯絡。Michelle稱一星期後有禮物送俾黃子恆,所以相約於深圳一酒店式住宅會面。

內地女粉絲Michelle爆黃子恆大鑊!

送禮物兼發生關係

Michelle向傳媒爆料時表示,當時佢認為黃子恆係一個公眾人物,唔覺得對方係壞人,所以放心前去。最後兩人先後洗澡後,在床上發生關係。不過在發生關係後,黃子恆半年來都未有同佢見面,只係間中閒聊幾句,亦未提及二人關係。

兩人第二次見面即發生關係……

回復朋友關係 再發生性行為

報道稱,Michelle與偶像發生關係後卻被冷待,傷心得足不出戶、茶飯不思,後來事件在粉絲群組爆出,黃子恆為平息事件,承認雙方是好朋友,不過中間發生了誤會。Michelle聲稱今年1月時二人回復朋友關係,7月又再相約在深圳見面,並發生了第二次性行為!

算唔算食過返尋味?

粉絲鬧爆「渣男」揚言要黃子恆失業

發生第二次性行為後,黃子恆再次玩失蹤,但Michelle不久後卻發現自己懷有身孕,但男方至今都未再有任何回覆。Michelle直斥黃子恆係一個「渣男」,誓要搞大件事,揚言要男方連工都無埋!Michelle表示手握對方做錯事而哭訴的語音檔案及留言,又稱將會選擇墮胎。

曾聲淚俱下道歉

Michelle又大爆黃子恆的語音檔,原來兩人玩facetime時,黃子恆曾以普通話及廣東話喊晒口道歉,內容大致上係講對唔住、好抱歉做出傷害對方之事,佢唔知道點面對,唔知道點樣去彌補。

黃子恆認曾發生關係:做足安全措施!

事件曝光後,男主角黃子恆接受傳媒訪問時,承認的確曾與Michelle發生性行為,但就只有一次,而且有做足安全措施,不介意去驗DNA以證明自己的清白。黃子恆又謂控制唔到對方做啲咩,只希望謠言唔好再散佈。子恆只承認兩人發生過一次性行為,且有做足安全措施!

 

今日再爆出黃子恆半年內三度氹迪子送上門,佢好曖昧咁講到提供服務,仲話服務呢家嘢,唔一定迪子對自己,交流都好重要。仲話你好我好,我好你好啫!

View this post on Instagram

無人之境 👽 #香港 #小島

A post shared by TikChi 迪子 デヂ (@tikchi) on

迪子話自己冇咁嘅需要,同埋只服務自己男朋友。黃子恆仍然未放棄,繼續話自己唔需要服務,只需要交流,抱得緊緊的。迪子話自己只需要一個男朋友,黃子恆就答佢唔需要女朋友,暗示係想打友誼波。迪子繼續拒絕佢,仲寸佢都係返去搵人妻,暗示佢去搵裕美,黃子恆即刻發老脾爆粗,非常冇風度。

隔咗幾個月,黃子恆再打迪子主意,呢次佢約迪子去佢屋企飲酒。迪子提議出街飲,佢就話佢嗰度唔會俾人影到。

第三次黃子恆又氹迪子去佢屋企,一齊喺big big channel live唱歌,點知迪子踢爆話佢個琴喺床尾,佢即刻改口話可以搬個琴去廳。迪子始終覺得孤男寡女唔方便,再次拒絕佢,自此黃子恆亦冇再搵佢。

迪子接受訪問直言黃子恆冇風也唔識尊重人,喺佢心目中對方唔係男人。問到點睇黃子恆被指搞大fans個肚?迪子話做女仔真係要學識保護自己,呢個世界真係好多壞人!

View this post on Instagram

一年一度。 the party is over!!!

A post shared by TikChi 迪子 デヂ (@tikchi) on

2. 極級人渣 周永恒

自認係人渣的世紀賤男周永恒與趙頌茹在2010年結婚,育有兩個女兒,不過年前爆出Roy搭上同公司拍檔、港視小花劉依靜(Ruby)!同時人渣Roy家暴阿Yu,又出口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!

{"IPTC-DATA":"NMG","data":{"photoID":2162089}}

周永痕

阿Yu現時獨力照顧兩名女兒,一家三口過着幸福新生活!

渣男周永恒入紙再婚

周永恒去年底同前妻趙頌茹正式辦好離婚手續,半年後周永恒今年6月就入紙申請再婚,另一半係細佢兩歲的內地女友陳𦾡 (Britni),雖然周永恒過往劣績斑斑,但未婚妻仍對佢痴心一片,喺即將結婚的消息曝光後,即晒出甜蜜婚照放閃護「夫」!

渣男

未婚妻陳薇在婚事曝光後,即上載與周永恒嘅婚紗照,相中佢從後攬住老公,甜蜜表示:「可能我揀咗一條最艱辛嘅路,但無論如何我都會喺你身邊支持你,陪住你行落去。」

渣男

劉依靜暗指陳庭欣做小三

講開劉依靜,近日佢曝光率奇高,原因係佢之前有個擁過億身家的彩豐行老闆楊振源(Benny),但Benny現時正同TVB姐仔拍拖,所以陳庭欣被指做「小三」搶人男友!所以唔少網民都話,劉依靜「剃人頭者,人亦剃之」……

陳庭欣被指做「小三」

3.專食空姐 李潤庭

《東張西望》主持李潤庭與任職空姐的太太Crystal Wong於2011年結婚,不時在網上放閃,給人顧家好老公的形象。不過李潤庭2016年時卻被爆趁任職空姐的太太外出工作時,與小三在赤柱街頭親熱,狂摸對方Pat Pat之餘又公然激吻,偷食都唔識「東張西望」!早喺結婚五周年紀念時,李潤庭在網上大晒與太太的恩愛合照,不過慶祝翌日就被影到帶小三回家!

bkn--1207_00862_001_09b_5072025995847f2eff18cc

新聞一出,李潤庭即時被瘋狂鬧爆,疑似小三身份亦迅速曝光!據知小三Tiffany已是一名人妻,育有一對仔女!消息指Tiffany老公家境不裕,兩人婚後住在元朗的豪宅區,出入更有司機接送,生活無憂!更爆的是,原來小三結婚前,竟然係與正印Crystal同一間公司的空姐!

4.羽壇賤男 林丹

外號「超級丹」的中國羽毛球好手林丹,與前中國羽毛球代表的太太謝杏芳被稱為羽壇的「神鵰俠侶」,謝杏芳今年11月4日更為老公誕下麟兒,一家三口樂也融融。直至11月17日,林丹被爆在太太懷孕期間與2009年環球旅遊中國小姐冠軍趙雅淇到酒店密會!林丹在房中攬實女方纖腰,更輕拍對方屁股,全程被斷正!老婆懷孕期間偷食,林丹你對得住芳芳嗎?

「名偵探趙五兒」微博圖片
「名偵探趙五兒」微博圖片

老婆原諒

事後謝杏芳選擇原諒林丹,神鵰俠侶重修舊好,兩人喺網上繼續不時放閃!

謝杏芳與寶貝仔~

5.人如其名 吳忠義

司馬燕老公吳忠義(Togi)被爆多年前已搭上內地小三Summer Sun(孫君子),司馬燕當時得悉姦情後,大受打擊屈出癌症!在老婆抗癌期間,Togi背妻跟Summer藕斷絲連,甚至趁老婆留院時,經常飛去北京會小三,令司馬燕身心受盡折磨,認真唔要得!後來事情峰迴路轉,Togi發聲明認曾跟Summer拍拖,但已於去年九月已分手。不過點都好啦,老婆屍骨未寒就搞三搞四,非常唔要得!

6.賤男導演 彭順

2014年5月,彭順背太太李心潔於圓方與o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭!

又係老婆原諒

最後彭順與心潔就事件一起作出回應,而心潔最終選擇原諒老公,兩人和好如初。今年七月,心潔為老公誕下一對可愛孖仔,哥哥叫彭濟雲,弟弟則叫彭子然,一家四口樂也融融。

7.超級冇品 魏駿傑

魏駿傑1998年與滕麗名拍《陀槍師姐》撻着,人前人後都好似兩公婆咁,情侶關係一直維持至2007年中,二人正式分手。當時圈中人都覺得好奇怪,原來魏搭上比自己年輕廿載的重慶女子張利華,翌年更火速跟張利華結婚生女。後來滕麗名爆魏駿傑婚後用短訊求復合,背妻再想搞前度,冇品王仲唔係你?!

魏駿傑與太太張利華

不過早年張利華就被爆與前港隊單車名將鄧宏業暗中撻着,兩個人撐完枱腳去散步,男方幫張利華拎手袋仲攬埋腰,似乎關係匪淺。雖然兩夫妻曾因此事吵大鑊,不過之後佢哋已經和好如初,魏駿傑更豪擲千七萬購入獨立屋送俾老婆!

8.劈腿色狼 郭政鴻

滕麗名與冇品王魏駿傑甩拖後,於2008年被爆與郭政鴻拍《桌球天王》演情侶,啜出真愛。當阿滕以為搵到個好男人,兩人發展迅速,成為公認一對,但原來男方一直呃住阿滕結咗婚重生埋女,阿滕又被蒙在鼓裏,自己做咗小三都唔知!直至2010年9月被傳媒影到,阿滕才知道又愛錯人。阿滕2013年時跟圈外男友朱建崑結婚,終於覓得如意郎君!

做個好爸爸

9.拋妻賤男 陶大宇

一代師奶殺手最後都係因偷食而搞到身敗名裂!陶大宇同拍拖多年的太太黃寶慧搞離婚,當年盛傳介入做第三者的就係「狐妮」郭羨妮!大宇為咗呢段情放棄大好形象,成為負心賤男,可惜最後都分手收場。最離奇係大宇曾再翻撻前妻,過住「兩公婆」嘅生活,更加衰到「o趙完唱」,指郭羨妮係娛圈蕩花,呢啲反轉豬肚的行為,各位女士,認清呢種賤郎啦!

郭羨妮一家三口好幸福

而郭羨妮則於2011年下嫁內地武指朱少杰,育有可愛女兒Kylie,一家三口好幸福~

10.扮好男人 羅嘉良

03年羅嘉良轉投寰宇,北上大陸發展,夫婦聚少離多,感情進一步轉淡,撈家決定分居,並在08年初辦理離婚手續,正式結束28年情。有傳當年離婚係因第三者介入,撈家雖然否認,但相隔半年,撈家就宣布跟內地演員蘇岩將於九月結婚後誕下女兒,佢覓得第二春就開心,但有報道指前妻生活為供樓同養仔,一份炒蛋多士分開兩餐食,慳得就慳。

11.淫狼代表陳浩民

陳浩民2011年時被本刊拍到於橫店拍劇時藉醉狼吻陳嘉桓,又對佢上下其手,以致要攜即將臨盆的太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖着大肚妻子蔣麗莎上演大龍鳳不特止,短短7分鐘記者會中,浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

月租10萬天池屋

陳浩民早年已在國內崛起,去年中全家由紅磡過千呎複式單位,進駐月租10萬的何文田半山壹號的天台特色泳池屋,全家得閒就喺天台游水,奢華到不得了…