黎明

黎明新寵 侍候過李治廷

黎明2012年與樂基兒離婚,過了六年鑽石筍盤生活,表面上感情交白卷的他,原來去年已逢第二春。本刊收到可靠消息,51歲的黎明去年初暗交失婚女助手Wing Chan。阿Wing曾於2013年撻著當時屬黎明旗下的李治廷,有傳她跟出埠工作愈行愈埋,最終與老公離婚收場。

撰文:東方新地

圖片:新傳媒圖片庫

黎明新寵 主動熱情識冧仔

現年32歲的阿Wing早年入行後便在AMusic任宣傳人員,當年負責湊衛蘭、JM(Janice Man)及李治廷,其性格爽朗,大情大性,笑起來眼睛彎彎,外形嬌滴滴,甚得人喜愛,已結婚是人妻的她因工作關係撻著當時正上位的李治廷,知情者透露:「佢主動熱情又玩得,對人又嗲,以前同好多男幕後挨身挨勢玩得好埋,不論保母車司機、公關、設計師,其他藝人嘅助手,總之逢係男人都對佢有讚冇彈、好冧佢。」

黎明
AMusic於04年正式成立,在黎明帶領下,全盛時期旗下藝人包括陳小春、衛蘭、JW、李治廷、Janice Man等。
黎明
有指阿Wing當年搭上李治廷時,完全唔避忌仲周圍爆響口,曾令黎明嬲到出煙。
黎明
黎明新寵阿Wing當年身為李治廷助手,出埠工作時曾為李治廷推行李,做足阿四本份。

冧掂李治廷 阿四身份逆轉

黎明
任助手期間阿Wing主動出擊撻著李治廷後,以女友身份自居,出外工作時都黐到實。

知情者指阿Wing當年搭上李治廷後,完全唔避忌仲周圍爆響口:「黎生當時嬲到出煙,但因為AMusic太多事要處理,先放生阿Wing,後來佢同李治廷玩完繼續做好助手本份,但原來佢嘅新目標係埋黎生身。當年黎生反對旗下藝人同助手搞男女關係,依家到自己情難自禁,所以佢亦唔想事件曝光。」

延伸閱讀:【獨家新相】 黎明新寵Wing Chan 陀B六個月

黎明
搭上李治廷後,阿Wing身份即大逆轉,兩手揈揈做指揮。
黎明
身為歌手的李治廷就負責推行李。

棄廷投明

12年阿Wing在AMusic任助手期間,近水樓台撻著李治廷,當年她主動出擊得米後更以女友身份自居,出外工作時黐到實姣樣盡現。身為助手出埠工作要為旗下歌手推行李好正常,未搭上李治廷時阿Wing做足阿四本份,不過撻著後即身份大逆轉,李治廷負責推行李,阿Wing就兩手揈揈做指揮。

黎明
阿Wing本來在黎明揸弗的AMusic任職助手,現在身份十級跳任營業部經理。
黎明
黎明新寵阿Wing醒目又叻女,早年跟李治廷時,她在公在私每次與對方一起都狂拍照放上微博。
黎明
自從獲黎明寵幸後,阿Wing的微博則轉為幫黎明大力宣傳,仲經常老闆前老闆後,賣晒口乖。

延伸閱讀:

姚子羚認分訊 胡說八道姊妹陪療傷