ft pic

黎耀祥睇好 胡定欣超有信心爭視后

上年憑《鬼同你OT》與田蕊妮一齊拎雙視后嘅胡定欣,今年氣勢更強勁,16年到現時為止已經有《公公出宮》、《一屋老友記》同《城寨英雄》出咗街,而且反應非常好,尤其係刁蘭一角更hit爆全城!日前定欣出席活動時,對冧莊非常有信心,不過今屆有滕麗名呢個勁敵,唔係穩贏喎!

延伸閱讀︰

吳幸美《東張》試酒片hit爆

阿Sa出馬都唔拍 余文樂霸氣回應:公司篩過先同我講!

定欣出席護膚品活動時,對於視帝兼《公公出宮》拍檔黎耀祥睇好贏視后,定欣開心到暈,話對自己都有信心,但希望唔會因為今年一次過推晒幾套劇而分薄票數!

上年要同阿田分享視后榮譽,今年叫幾飛嘅定欣呼聲更高,有望同拳佬陳展鵬一齊做視后視帝!

定欣手上嘅存貨出得七七八八,得番一套《來自喵喵星的你》未出街,好在定欣係收視保證,唔少監製都爭住用,嚟緊下個月又開拍由《城寨》監製文偉鴻開嘅新劇《同盟》。近排定欣趁未使開工,積極操fit之餘,都有去食好西relax一下!

全文完