鼎爺

鼎爺義氣相助 呂良偉一生感激

李家鼎(鼎爺) 除咗好打得,近年更在《阿爺廚房》中大顯精湛廚藝,人氣一時無兩!鼎爺在無綫多年,對提攜後輩向來不遺餘力,影壇重量級人馬呂良偉,原來多年前都係得鼎爺相助先可以簽約無綫,繼而在娛樂圈發光發熱……

呂良偉訓練班畢業 無綫唔簽約

41年前,當時只得21歲的呂良偉加入第六期無綫藝員訓練班,同學有陳玉蓮及「阿燦」廖偉雄等。呂良偉精通幾種語言,而且自細練得一身好武功,肯搏又肯捱,可惜畢業後無綫並無同佢簽約,仲表明與佢同類的演員有太多。

鼎爺
呂良偉
鼎爺
呂良偉

鼎爺義氣相助拍檯同高層講數

當時鼎爺憑《香港八一》系列「李威」一角走紅,並在無綫兼任武指及馬術指導,鼎爺得知無綫唔簽呂良偉,即時致電對方,並答應為佢向無綫高層反映。據知當時鼎爺霸氣十足,對住高層拍晒檯話:「你唔簽佢吖嘛,咁我簽佢做龍虎武師囉!」結果無綫高層隨後同呂良偉簽約,並開始拍劇。之後的事大家都知,呂良偉憑《上海灘》「丁力」一角紅遍亞洲、之後又憑《跛豪》提名金像獎影帝!

鼎爺
鼎爺義氣幫呂良偉
鼎爺
呂良偉憑《上海灘》「丁力」一角紅遍亞洲
鼎爺
呂良偉憑《上海灘》「丁力」一角紅遍亞洲

鼎爺謙虛唔邀功

呂良偉早前拍攝中藥廣告時,表示入行以來遇過唔少困難,其中鼎爺喺佢最困難時出手相助,令佢成功同無綫簽約,所以佢一生都會感激對方!而鼎爺日前接受媒體訪問時,直認當年有呢年事發生過,不過自己唔會再提,費事好似叨人哋光咁。鼎爺呢啲義氣仔女,幫過人當然唔會周圍講,心知就得!

鼎爺
呂良偉一生感激鼎爺
鼎爺
鼎爺謙虛唔邀功

延伸閱讀:

姚子羚認分訊 胡說八道姊妹陪療傷