歐瑞偉

歐瑞偉離《家》出走?網民嗌罷睇

喺處境劇《愛.回家之開心速遞》飾演「舅父」KC嘅歐瑞偉,日前忽然宣布即將離開《愛.回家》劇組,令網民都好擔心佢同Terry呢對《愛.回家》嘅「最強CP」將會冇好結果,仲有人話要罷睇㖭!不過歐瑞偉就回應話佢只係離開個幾月返內地拍《包青天》外景,拍完之後就會「回家」重投Terry懷抱!

撰文:東方新地

圖片:新傳媒圖片庫、歐瑞偉IG

歐瑞偉:只係離開個幾月

歐瑞偉喺《愛.回家》中因為同「Terry」李偉健嘅曖昧HeHe情而大受歡迎,日前佢出席一個活動時,喺台上預告將會離開《愛.回家》劇組,仲話:「喺呢個月底會有三集都係講我,係一個幾特別嘅經歷,好開心,但係都好傷感,不過傷感得嚟,又好好笑喎,真係好多謝劇組,可以令到呢套劇咁多人鍾意!」呢段說話一出,即有網民問「Terry點算?」甚至話要罷睇《愛.回家》,不過歐瑞偉就話佢只係返內地拍《包青天》:「大約會拍個幾月,拍完之後就會投入番《愛.回家》嘅劇組。」仲叫大家千祈唔好罷睇㖭!

歐瑞偉
歐瑞偉日前喺活動上宣布即將離開劇組嘅消息。
歐瑞偉
KC歐瑞偉同Terry喺《愛.回家》入面易服加SM一幕,令觀眾印象深刻。
歐瑞偉
歐瑞偉同Terry一段疑幻疑真嘅HeHe情勁受網民關注。
歐瑞偉
其實除咗HeHe情外,歐瑞偉同姚瑩瑩喺《愛.回家》中亦有一段曖昧關係。
歐瑞偉
大小姐林淑敏上載同送水輝嘅婚紗照,似乎兩人嘅感情終於可以開花結果,對於歐瑞偉嘅離開,佢話:「舅父只係去拍戲啫,之後會返嚟嘅!」

網民最喜愛的《愛.回家》HeHe情侶

拍得住當年《真情》集數嘅《愛.回家》 系列,現在依然《開心速遞》中,是香港人食飯時嘅最佳配菜,已經播到第三輯嘅《愛.回家》 出咗唔少對讓觀眾津津樂道嘅熒幕情侶,每一對情侶嘅愛情故事都刻骨銘心,有歡樂有悲傷。Terry(李偉健飾) 同KC (歐瑞偉飾)呢對活寶每次出場都笑料百出,佢哋兩人嘅關係錯綜複雜,既係兩師徒又係好拍檔,仲上演過男男SM戲碼,趣味性十足,亦看得出兩人嘅感情十分好!

歐瑞偉
雖然劇中KC歐瑞偉係Terry嘅舅父,但佢哋二人嘅互動經常讓觀眾疑惑真係舅甥咁簡單?
歐瑞偉
2016年KC歐瑞偉和Terry曾獲提名「最受歡迎劇集搭檔」。
歐瑞偉
更有網民指「好想可以日日睇KC (歐瑞偉) 教Terry溝女!」