Stephy小牛 暗交兩年 戴情侶紅繩

最新娛聞

兩年前Stephy與方力申為十年感情劃上句號,之後小方緋聞傳個不停,超蓮、陳瀅、沙律張沛樂輪流替補緋聞女友位置,感情生活繼續多姿多彩;而前度鄧麗欣就一如既往的長情,有傳兩年前為台灣同性密友小牛飛起小方,兩年後繼續緊密互動,事業起飛的Stephy 百忙中依然密飛台北、登堂入室,近日親密關係疑似浮出水面,齊齊戴上情侶紅繩宣示主權,鄧媽媽棒打鴛鴦行動宣告失敗,惟有默許這段同性關係。

撰文:東方新地

圖片:新傳媒圖片庫

Stephy 獲小牛千字文賀封后

狠撇小方方力申結束十年感情,有眼睇都見分手對Stephy鄧麗欣有百利而無一害,毋須再綁手綁腳做港產活地阿倫御用女主角,戲路變闊演技突飛猛進,去年連接兩套獨立電影《空手道》和《藍天白雲》演出都令人刮目相看,更憑《空手道》中平川真理一角先攞香港電影評論學會最佳女主角,再入圍競逐金像獎影后。以往拍拖時固然未試過咁好成績,如今事業大躍進,前度唔見任何表示,反而是同性緋聞現任小牛越洋賀喜,上次做影后發表完千字文、今次入圍又不斷重複「好雞凍(激動)」,興奮過自己攞獎之餘,亦流露出二 人感情深厚又玄妙。

勤飛台北融入家中

據知情人士透露,鄧媽媽思想傳統,即使Stephy沒有當面承認戀情,還是好言相勸叫Stephy疏遠小牛:「Stephy同小牛行得密,其實鄧媽媽都好醒睇得出。就算Stephy唔認,鄧媽媽都覺得個女群太多女仔就會少咗機會識男仔。不過呢啲嘢Stephy梗係唔會理,佢同小牛無論性格愛好都好夾,除咗講排球,小牛嗰套台式文青細心體貼Stephy都好受,所以見面仲多過以前。小牛好黐家又孝順,屋企人又開通啲,Stephy呢幾個月飛去台北都會見對方家人,已經畀人當係一家人。」繼何韻詩同鄧九雲、盧凱彤同攝影師太太後,又多個小牛冧掂港女,台妹魅力沒法擋!

讀者留言