Stephy

Stephy獲黃百鳴全力捧 吳千語Out

出道17年,拍過超過40部電影,鄧麗欣終於憑《空手道》吐氣揚眉,入圍今年香港電影金像獎「最佳女主角」五強,以大熱姿態同前輩Mo姐(毛舜筠)、張艾嘉、周迅等爭影后,雖然最終敗給Mo姐《黃金花》,但贏得口碑,Stephy已經賺咗!

香港女演員青黃不接,Stephy上位即被各大電影公司老闆碼到實,頭炮出招有天馬黃百鳴,加片酬成功簽下五套片約,包保Stephy今年做完大熱下年繼續有得入圍!

撰文:東方新地|圖片:新傳媒圖片庫、Stephy FB

Stephy 簽天馬做一姐

邊個話女人三十結束十年情就係浪費青春、世界末日?34歲Stephy兩年前同十年男友方力申一分手,反而發力轉戲路,先告別大同小異葉念琛御用女主角愛情片系列,再不問酬勞連拍《空手道》、《藍天白雲》同《女仕復仇》三套獨立製作,套套演出都獨特瞓身令人眼前一亮。化失戀為演技全力轉型終有回報,三部演出都有口皆碑,《空手道》更成功捧到Stephy變今屆金像影后大熱。

Stephy
34歲Stephy兩年前與方力申結束十年情後發圍改戲路,17年電影成績驕人,更憑《空手道》平川真理一角成為今屆香港電影金像獎「最佳女主角」五強,雖然當晚落敗,但狀態大勇的Stephy,獲大會頒發「最佳衣著獎」。
Stephy
至於現年24歲的吳千語,由一年三套戲變一年一套,演技未成氣候、又經常因為私事影響表現,都令黃百鳴對其大失所望。

不再獨沽一味做「阿寶」,Stephy戲路變廣戲約亦都接踵而來,繼去年獲黃百鳴邀拍《L風暴》同《九龍不敗》兩套大導大製作後,據知情人士透露黃百鳴對Stephy的專業態度及潛力甚為睇好,未選影后先加價,一簽就簽下五套片約:「男人戲拍得多,黃生覺得旗下欠個壓得住陣嘅影后人馬,最衰自己藝人吳千語演技未夠班,又因同林峯分手後,形象負面,人氣跌watt,黃生簽佢六年捧足六年回報唔成正比。」

Stephy
本月8日是天馬電影行政總裁黃百鳴72歲生日,Stephy作為新晉愛將亦都盛裝出席生日派對,仲識做恭賀老闆27歲生日快樂。

Stephy

Stephy
去年由天馬投資兩套大製作《L風暴》及《九龍不敗》Stephy都有份做女主角,據悉黃百鳴睇好Stephy潛力和可塑性,再加片酬簽下五部戲約。

知情人士續說:「所以黃生一邊減低千語產量、一邊再物色女主角人選,舊年Stephy突然發力證明自己可塑性好高,黃百鳴試完《L風暴》同《九龍不敗》兩套戲合作後,都覺得呢個女仔簽得過,合作計劃呢五套之後仲陸續有來!」機會多的是,Stephy奪影后指日可待!

Stephy
入行17年首次獲得金像獎提名更成為頂頭大熱,Stephy事業自從分手後反而扶搖直上。
Stephy
捧到Stephy變影后,《空手道》導演杜汶澤謙虛不邀功,反話Stephy最應該多謝同佢分手的方力申。
Stephy
分手前年年做「阿寶」、次次都係拍方力申,分手後告別葉導愛情片,Stephy接連瞓身演出反而令人眼前一亮。

連中三元

首次入圍金像獎「最佳女主角」五強,但Stephy已於年初連獲三個單位頒發最佳女主角大獎,演技突破成功有目共睹。

Stephy
3月8日 香港電影評論學會影后
Stephy
3月17日 最港電影大獎影后
Stephy
3月19日 香港導演會雙影后

18年繼續發力

去年改戲路搖身一變演技派起個好頭,Stephy潛力除咗觀眾,導演同監製亦睇到,拍落大製作其實除咗《L風暴》、陳果導演的《九龍不敗》、泰迪羅賓的《八步半喜怒哀樂》之外,杜汶澤亦都落實暑假再為Stephy度身訂造新戲,來年影圈繼續係Stephy天下。

Stephy
《九龍不敗》

讀者留言