5555_6421555205a29234ddb13b

Underpaid人士必學 7個年尾博加人工方法

「人人都有機會轉工,唔通人人都轉到工咩」,打工仔甚少只為一份工作而賣命,因為所有人都明白「魚唔過塘唔會肥」,但如果現在的工作尚算順利愉快,只是單單不滿意份人工的話,不少人都會選擇「加人工就留低」,但到底如何令老闆加人工給你?當然也是一種學問!

原文:二木@經濟一週 Photo- InstagramWhatsCapYoutube截圖

年尾博加人工7個有效方法

要老闆出錢真的很難!要老闆伸手去銀包拿錢出來的三秒動作,對於一眾老闆而言難過奧運舉重,當他真的拿錢出來時,那怕只是一點點,他都已經覺得好像贏了奧運獎牌般值得歌頌自己!不過所謂關關難過關關過,香港人最叻就是創造奇蹟,等小編教你7招如何創造要老闆加人工這個奇蹟中的奇蹟吧!

1.不時畀說話你老闆聽

有時與老闆食飯閒聊或辦公室內講開買乜乜的時候,可以不時輕輕帶句「啲嘢好貴呀」、「生活艱難」、「份糧唔夠用呀」,老闆即時如何回應並不重要,這主要是希望給你波士一點Hints知道你想加人工。雖然大部分波士都可能九成九即刻側側膊扮聽唔到,但若然老闆是通情達理的話,在你經常話自己無錢潛移默化下,或者可以博到加人工的一線生機!

博加人工,工作,方法

2. 單刀直入!直接同波士講你想加人工

其實你都心知肚明你波士是一個怎樣的人,大概會知上述第1招在老闆身上的成效有幾大。所以若然你沒有耐性或者想更進取的話,與其旁敲側擊,不如你直接向老闆開聲。不過需要注意的是,開口前你最好要有自知之明,如果你一向返工又唔準時、做事沒交帶、工作成績又不是特別好的話,貿然出口加人工只會被老闆反咬一口批評你的工作表演,結果只會得不償失。

博加人工,工作,方法
圖片來源:Youtube截圖

3. 隨時update自己的Portfolio

不要以為Portfolio是見工才用得到,其實平時應定時update自己的Portfolio。將平時自己做得好、波士讚你的資料/Showcase 儲起來並整理好,適當時候就拿出來同老細review一下,作為你加人工的有力理據。展示你的重要性之餘並讓老闆知道「唯獨你是不可取替」的。這招不單止想加人工時適用,甚至要求升職、或者搵下份工時都適用,可以深深impress對方,留下好印象。

圖片來源:Youtube截圖

4. 用數據證明你UNDERPAID

這一點與上一點有些相似,老闆是一個看「數字」的生物,你空口說白話是沒有用的。到底市場上其他同類公司出甚麼條件給你同一個職位的打工仔呢?自己的薪金是否追得上個market?不妨做多點功課,定時上各大求職網頁了解一下行內的趨勢,摘錄一點數據資料,整理一下再展示畀你波士睇,以數字證明你是underpaid,需要加人工,否則遠走高飛!

5. 不要輕易「耳仔軟」

出得嚟行,最忌感情用事!要記住老闆的角度永遠是想節省成本,唔想加你人工!所以老闆永遠有一萬個理由唔加人工給你:市道差、生意差、上面唔開心、佢唔開心、等多排、畀啲耐性…… 總之就唔想加人工但又要留住你。所以同老闆對峙時切忌心軟耳仔軟,強調自己加人工的理據。怯,你就輸了。

圖片來源:WhatsCap

 

6. 問清楚老闆加人工的要求

有些老闆好好耐性,同你耍太極耍足幾個鐘都企硬唔加人工。這個時候你再糾纏下去也沒有用,不如開宗明義問老闆到底要達到甚麼條件才會加人工畀你,即使不是立即加人工,起碼你也知道自己的目標要如何達成!不過記得企硬問清問楚,不要讓老闆又蒙混過去,否則下次都只會又有其他原因耍走你。而如果你老闆向你提出一些無理要求或你無法完成的要求的話,你就要諗清楚是否應該轉工了。

加人工
圖片來源:WhatsCap

7. 加人工失敗 都要老闆一些承諾

加人工從來都是一場戰爭,贏的機率並不高,但若然戰敗都不緊要,所謂「跌落地都要拿番揸沙」,即使是放假又好、加津貼都好,總之加唔到人工都要拎返啲嘢走!或者要老闆承諾你加人工的日子等等。如果你可以無條件投降嘅話,便會讓老闆覺得你易恰。所以要為自己爭取一點bargaining power,不要輕易屈服,你要記住你是make a deal,唔係嚟plead佢嘅!

圖片來源:Youtube截圖

延伸閱讀:多謝外母系列: 阿女有咗 外母貼埋層725萬嘅樓畀女婿