《堅離地愛堅離地》龔嘉欣化身女僕谷收視美腿完勝高妹劉佩玥

劉佩玥驚現象腿

龔嘉欣在新劇《堅離地愛堅離地》的角色性格粗豪男仔頭，但日前為宣傳新劇，以女僕裝上陣大玩遊戲，身高160cm的龔嘉欣無懼寒冷天氣，騷腿現身，相當吸睛，跟同場在劇中飾演張振朗眼中女神的劉佩玥平排而企，龔嘉欣明顯矮大半個頭。身高174cm的高妹劉佩玥，同樣一身女僕裝束現身，不過穿上白色絲襪時驚現象腿，相當失策，當場被嬌小的龔嘉欣KO。同場還有在劇內跟黃心穎在女僕餐廳打工的葉蒨文，以及劇中飾演龔嘉欣下屬的吳嘉儀亦齊齊女僕打扮一起為劇集宣傳，為谷收視博到盡。

龔嘉欣站在當中，一雙美腿相當養眼，劉佩玥（左二）現象腿又現O字腳，跟吳嘉儀（右）的肉腿有得揮，葉蒨文（左一）都幾搶鏡。

倉底劇《堅離地愛堅離地》出土黃心穎扮女僕

黃心穎扮女僕又做PTGF 與謝東閔丁子郎有感情線19年4月爆出安心醜聞，黃心穎形象掃地前途盡毀，多套劇集被抽起甚至易角重拍，女主角亦迅速逃走美國消失於公眾眼前。事隔年多，黃心穎於TVB的遺作《堅離地愛堅離地》終於出土。個個都話香港觀眾有樣好，夠善忘，19年尾無綫將《牛下女高音》、《丫鬟大聯盟》逐套解封試水溫，夾好時間，黃心穎都同期喊住回港，兼夾領養唐狗博洗底，一年過去，黃心穎去到邊仍然是吸嬲嬲磁石，最近亦頻頻傳將於短期內與無綫正式解約，而其最後作品《堅離地愛堅離地》安排於周一（12月28日）重見天日，timing夾得啱啱好！在劇中，黃心穎孖裕美等扮女僕，唔知觀眾buy唔buy！

《堅離地愛堅離地》播出日期一拖再拖，同多名主要演員相繼離巢亦有關，男主角陳智燊改行做 KOL，仲有同黃心穎一齊扮女僕嘅裕美都已於19年4月宣布回復自由身。

黃心穎喺劇中身份多多，形象亦多變，除咗係KOL仲做埋兼職女友又去女僕cafe返工。

又去女僕cafe返工。平時一向sharp醒嘅張振朗今次真係一改形象毒到入肉，連同方紹聰、唐嘉麟仲有何遠東一齊扮演IT公司四大毒男。

而黃心穎在劇中飾演張振朗妹妹丁信欣，性格浮誇又外向，同富二代謝東閔仲有gamer丁子朗都有感情線。

龔嘉欣、張振朗首擔男女主角之作

其實又唔使下下將焦點放喺安心女主角身上嘅，17年拍攝嘅時裝愛情科幻喜劇《堅離地愛堅離地》實情張振朗、陳智燊、龔嘉欣同劉佩玥至係男女主角，龔嘉欣同張振朗更加係第一次擔正女一男一。劇中靚仔慣嘅張振朗當年瞓晒身做晒功課都係為咗演好IT毒男丁信希一角，邊拍邊話對呢套劇期望好高，本來安排好19年4月播出……你懂的，結果去年尾變咗炮灰海外首播囉，等足一年，終於可以喺翡翠台播出。