Ash

全民造星4|Ash被華納請食檸檬星途止步? 仲有6位參賽者值得出道!

最新娛聞

廣告

《全民造星4》參賽者Ash(鍾卓穎),因與台灣老公離婚,同時又傳出與MC張天賦疑有感情瓜葛,令她成為近日熱議對象。今日(1月6日),又有網友爆出關於Ash的消息,並以「Ash已簽唱片公司:華納唱片(香港)」為題出Post。但除咗Ash之外,仲有大把被淘汰嘅參賽者值得出道!

文:東方新地|圖:IG@iamashleyyy___、LIHKG截圖、[email protected]

Ash的人妻身分本來對她星途沒有太大影響,想不到離婚回復單身才弄到一團糟,想紅?怕且無望。(圖片來源:IG@taiwan.fatboy)
Ash的人妻身分本來對她星途沒有太大影響,想不到離婚回復單身才弄到一團糟,想紅?怕且無望。(圖片來源:[email protected]

Ash已簽華納唱片?

Ash離婚一事持續發酵未能平息,原因是一直發生火上澆油的情況,例如Ash先被影到平安夜私會MC張天賦,之後她的前夫又在MC直播期間踩場留言:「如果你真的喜歡Ash就要好好對她。」言帶雙關很易令人產生聯想。

不過,儘管事件枝節愈來愈多,但Ash仍然龜縮,未就事情解畫。於是,新的支線又再出現,事關有網民開Post指MC的公司華納唱片本打算簽下Ash,但現在風頭火勢一鑊泡,不知怎收科:

《全民造星4》完結嗰日開始傾合約,Ash應承咗,簽咗約。出MC個MV係試水溫,點知搞咗咁大單嘢出嚟, 都唔知點收科!佢哋兩位係真係有嘢,所以冇即時澄清!本身諗住1月12號向傳媒公佈佢(Ash)簽咗華納,而家咁公司都唔知點算。

網上流傳Ash已簽約華納唱片,是緋聞對象MC的師妹。(圖片來源:LIHKG截圖)
網上流傳Ash已簽約華納唱片,是緋聞對象MC的師妹。(圖片來源:LIHKG截圖)

華納回覆

對於網民上述說法,Ash例牌不會回應,於是傳媒向華納查證,並得到否認的回覆,表示從沒接觸過Ash,更加沒有任何簽她的意欲,直指傳言不實。

Ash簽唱片無望,咁《造星4》中又有誰有可能被外界選中出道呢?

華納唱片被唱有否簽下Ash,並回覆指簽Ash一事子虛烏有。(圖片來源:IG@iamashleyyy___)
華納唱片被唱有否簽下Ash,並回覆指簽Ash一事子虛烏有。(圖片來源:IG@iamashleyyy___)

Ash簽華納優缺點

雖然消息被否定,但網民還是感到很「雀躍」,稱:「畀我係華納都攬MC棄Ash啦!」又有人認為:「如果Ash同MC同公司,唔係死多兩錢重,就係喺公司拍拖好安全,唔會咁易畀人影到。」無論實情如何,事已致此,誠如網民推測:「至少有個好消息,女團一定無佢份。」

(圖片來源:網上截圖)
(圖片來源:網上截圖)

Yoyo與Candy

Yoyo(葛綽瑤)與Candy(王家晴)能殺進總決賽成為20強一直被外界所垢病,指她二人除了樣靚啲之外,跳和唱都勉勉強強,很多時靠抆隊友衫尾晉級。話雖如此,但現實中一直不乏單靠靚樣都可以紅的女歌手和女子組合,只要包裝得好,不強求觀眾聽出耳油,但求演出夠吸睛便可,想想Yoyo與Candy曾唱跳《NoBody笨珠》的造型,足叫觀眾重複Loop睇唔停。何況,香港很久沒有如此養眼的二人女子組合了,讓毒毒與宅宅餓了很久。

(圖片來源:《造星4)截圖)
(圖片來源:《造星4)截圖)

Val

無嘢比得上Fans願意真金白銀課金支持偶像,而Val(趙展彤)的擁躉就曾開Post表示要是全民票選中Val入頭三甲就每人派$100,單是有這種粉絲存在,簽佢做旗下歌手已經算得上有揸拿,況且佢又真係唱得,慳返唔少培訓資金與時間,性價比與CP值來說,值得一試。

(圖片來源:IG@valentina_cct)
(圖片來源:IG@valentina_cct)

Winka

唱得之人豈止Val,仲有Winka(陳泳伽),而且外形都算討好耐看,更重要是造型方面可塑性高,《NoBody笨珠》女神風又得,《母系社會》的妖邪黑化更是吸引,以這種暗黑壞女孩再帶少少性感的風格面世,對香港歌手來說幾有新鮮感。

(圖片來源:IG@winka_chan)
(圖片來源:IG@winka_chan)

Sica

Sica(何洛瑤)已有成名代表作,「哎吔!叻女!叻女!叻女!叻女!」簡直有聲呀。誇張的是,儘管Sica早已被淘汰,但《造星4》活動去到邊,邊到就會見到Sica的Banner與燈牌,更有埋巴士車身與車站燈箱廣告,就呢點而言,直逼MIRROR與姚焯菲 Chantel。另外,她孖辮日系風格太強烈,出道的話,隨時成班Fans圍著她一起跳唱「咩菇咩菇fire」,場面諗下都覺得瘋狂!

有聲圖。(圖片來源:《造星4》截圖)
有聲圖。(圖片來源:《造星4》截圖)

3妹

好似MIRROR同時又有ERROR一樣,搵3妹(郭嘉盈)整個Horror都有得諗,始終世事無絕對、蘿蔔青菜各有所愛,現實又真係有人在Facebook群組說:「唔好成日提住Ash,193妹都好靚。唔識唱跳及演戲就俾佢訓練下,無人一出世就識晒所有嘢。」就算係曲線假膠,但簽佢返去博爆冷都可以啫。

有網民叫唔好再提Ash,想大家討論下3妹,不知真定假膠。(圖片來源:全民造星討論區截圖)
有網民叫唔好再提Ash,想大家討論下3妹,不知真定假膠。(圖片來源:全民造星討論區截圖)

《全民造星4》Ash離婚事件FAQ

Q: Ash前夫對離婚有何最新回應?

A: 1月5日晚上,Ash前夫透過IG戶口 taiwan.fatboy闖入MC的直播,然後又自已分享帖文透露心情,不過寫完後刪帖,然後還開Live兼受訪⋯⋯按此看詳情|繼續爆料「前夫受訪講離婚繼續爆 後悔做錯一件事!

Q: MC張天賦如何回應「平安夜私會Ash」的緋聞?

A: MC張天賦的公司採取了相對低調的回應,但MC本人就在記者訪問時大方表示⋯⋯按此看詳情

Ash前夫對離婚有何最新回應?

1月5日晚上,Ash前夫透過IG戶口 taiwan.fatboy闖入MC的直播,然後又自已分享帖文透露心情,不過寫完後刪帖,然後還開Live兼受訪⋯⋯按此看詳情|繼續爆料「前夫受訪講離婚繼續爆 後悔做錯一件事!

MC張天賦如何回應「平安夜私會Ash」的緋聞?

MC張天賦的公司採取了相對低調的回應,但MC本人就在記者訪問時大方表示⋯⋯按此看詳情