流氓大亨劇情

《流氓大亨》劇情 萬梓良怒打吳啟華 一晚爆足六鑊

最新娛聞

廣告

《流氓大亨》 昨晚播到20集,流氓大亨劇情其中一個經典場面正正喺呢集出現,就係萬梓良(萬子)怒打吳啟華一幕!據知事前吳啟華以為係借位,結果被萬子拳拳到肉打落嚟,當堂嬲到爆,事後萬子更送名錶賠罪!另外今集萬子可謂由頭帶到尾,全集處於瘋狂狀態,一晚爆足六鑊!欲知萬梓良近況:萬梓良狂做運動 踢走糖尿病|

撰文:東方新地|圖片:《流氓大亨》截圖

追劇必睇:《流氓大亨》18-24 集劇情全文 | 吳啟華弒父脫罪 躁狂萬子谷底求翻身

萬子第一爆!怒打吳啟華

《流氓大亨》劇情緊湊,昨晚一集可謂萬梓良由頭帶到尾,話說吳啟華謀殺親父後被判無罪釋放,仲爆出佢如何玩弄周海媚的感情。踏出法庭後,嬲到爆的萬子將街上垃圾桶丟向吳啟華,繼而衝上去瘋狂怒打對方!

萬子發晒狂咁打吳啟華,旁邊人完全分唔開佢哋,觀眾都睇到心跳加速!據當年報道指,萬子為求演出迫真,一拳一腳都係真真正正打落對方度,而吳啟華事前係唔知情的!以為只係借位輕輕打。

無啦啦俾人打一餐,事後吳啟華當然係嬲到爆,仲即刻話唔再拍呢套劇!據知當時萬梓良同佢講咗句:「如果你唔拍,只係破壞自己前途。」吳啟華覺得不無道理,於是繼續拍,成就一代神劇。後來萬子為表歉意,更送了一隻古董錶俾吳啟華,以作補償!

相關文章:【流氓大亨重播】 劉嘉玲澄清冇激嬲Do姐 踢爆遲到大王另有其人!

萬子第二爆!狂打細佬

返到屋企,萬子揭發弟弟竟然將可以證實吳啟華身世的證據拿走,嬲上加嬲,將其壓喺檯上直頭想扭斷佢隻手,之後再狂打對方!

萬子第三爆!嘔到七彩

發生咁多事,借酒消愁都好合理,萬子飲到醉晒走去搵鄭裕玲,上到去仲繼續狂飲,於是喺梳化嘔到七彩!

萬子第四爆!鬧爆三姑六婆

正所謂家醜不出外傳,不過啲三姑六婆又點會放過呢啲話題,得知周海媚懷孕後即刻上門「出謀獻策」,坐喺一旁的萬子呢個moment又忍唔住要爆了:「收聲啦八婆!講夠未呀!」

萬子第五爆!醉酒上台唱歌

好啦之後萬子又係繼續醉,聽聽吓歌又自己衝埋上台唱,之後仲同其他客人發生衝突,鬧人又推人,唉……

萬子第六爆!燈柱當沙包

離開之後萬子都係繼續發脾氣,對住條燈瘋狂咁打,又將個頭撞埋去……

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!