【深宮計】韓馬利露惡毒真面目 毒害太上皇 死人都唔放過…
撰文：東方新地｜圖片：微博、劇照、網上截圖｜資料來源 :TVB
｜韓馬利升呢做太妃
韓馬利在《深宮計》中飾演周雨嫣，多年前被武則天發配守陵，後被李旦(李龍基飾)接回宮中，並冊封其為淑妃，及後升為淑太妃，60幾歲人都要喺宮中同呂珊姐(飾賢太妃)爭寵！
｜《深宮計》賢太妃呂珊慘遭毒害
《深宮計》中呂珊飾演的賢太妃，曾被一名侍女刺殺受傷，之後就變得瘋瘋癲癲，精神錯亂，之前一集仲掌摑淑太妃(韓馬利飾)，不過整體而言都係個好人，應該唔會有人想害佢？
睡夢中逝去
《深宮計》進入尾聲，深宮明爭暗鬥愈來愈狠毒，但估唔到呢個時候，竟然出現賢太妃在睡夢中逝去的情節！
死因是中毒？
賢太妃死後，太醫檢查屍體時發現其身體浮腫、口腔潰爛，似是中毒死亡，故李隆基(馬浚偉飾)建議解剖賢太妃的屍體查出死因。但王皇后和太平公主今次出奇地齊心，以解剖屍體有損國體為由，齊齊阻止！
不過太上皇再三思索後，唔希望賢太妃死得不明不白，故同意解剖屍體查明真相！
被神秘人長期暗中餵毒藥……
查案就當然又係任三恕(馬國明飾) 同何離(蕭正楠飾)啦，經過一番調查後，發現賢太妃的確是中毒身亡，而且係長期被服水銀毒，證明宮中有人處心積慮置賢太妃於死地！而且之後劇情會提到，太上皇都有可能同樣中水銀毒……
賢太妃死因未查清之時，竟然出現另一位疑似中毒者？事緣太上皇跟太平公主和淑太妃在庭園賞字時，突然無名火起破口大罵兩人，似乎同賢太妃死前的徵狀相似？
李隆基懷疑太上皇同樣被下毒，於是命任三恕及何離調查太上皇的膳食及湯藥等，雖然並無發現問題，但就查出硃砂加熱後可以提煉出水銀，而賢太妃發病至今，取用硃砂最多的人竟然係淑太妃！
此時鏡頭一轉，見到淑太妃如常拜祭兩位已故皇后，但呢刻終於露出佛口蛇心的一面！原來兩位已故皇后生前討厭沉香，但淑太妃如今喺兩人靈位前日日點沉香，話係要佢哋「日日被濃香所薰，作嘔不止」，竟然惡毒到連死人都唔放過？
未語淚先流⋯⋯
睇番See See TVB的片段，雖然冇配對白，但都見到韓馬利忽然好激動咁喺頭上抽出髮簪！
咩事咁大仇口？！
原來想行刺太上皇李龍基！
行刺李龍基
李龍基神情都好激動，眼都紅晒！
咁到底刺殺成唔成功呢？
韓馬利瞌埋咗眼！
李龍基推開韓馬利，Mary姐的戲服亦被染紅⋯⋯
睇嚟韓馬利行刺失敗，兇多吉少⋯⋯
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
