視后大熱「Mall姐」 宣萱18年前同古仔封帝后
撰文：東方新地
圖片：《不懂撒嬌的女人》戲照、新傳媒資料庫、宣萱Instagram
宣萱回歸劇 《不懂撒嬌的女人》
宣萱離巢多年，去年強勢回歸，接拍《不懂撒嬌的女人》。宣萱將凌敏一角演得入型入格，女強人形象深入民心，好評如潮！戲集出街後，宣萱除了密密做，密密搵外，日常更遇到很多會叫她「Mall姐」（劇中的外號）的觀眾，可謂人氣急升。
99年 同古天樂齊封帝后
1999年男女主角古天樂與宣萱《刑事偵緝檔案IV》，奪得萬千星輝頒獎典禮最佳男主角和最佳女主角獎。自從無綫劇《不懂撒嬌的女人》播出後，工作長接長有，而宣萱同古仔呢對最佳熒幕情侶再度合作，皆因宣萱同古天樂旗下經理人公司合作，佢早前席公開活動話：「以Part-time形式幫我接Job，冇諗過同Ronnie（古天樂經理人）識咗十幾廿年後會再合作。試探吓先，如果夾就繼續合作落去。（傾向會做咩？）始終都鍾意拍劇，主持方面就弱啲，如果係商演、廣告就舒服。」
問到會否有電影等大Project？她就指未透露得：「下個禮拜先正式合作，見步行步啦！（同古天樂有合作？）無綫《最佳拍檔》會出我同佢個訪問先，其實呢十幾年嚟都同古天樂好少見。（會再開拍《尋秦記》？）問佢唔好問我。」又笑指若然開拍可滿足粉絲一直以來的幻想。
關注動物權益 捐出酬勞
喺劇中雖然性格強硬又霸道，同現實中的宣萱截然不同。愛狗如命的宣萱，唔止保護家中寵物，亦常關於動物權益等問題。身為保護遺棄動物協會（SAA）愛心大使的她，除了跟手錶品牌合作設計有關腕錶有入動物元素外，更將酬勞全數捐出予SAA，善良又有愛心！
凍齡宣萱 外貌無變過
快將47歲的宣萱，曾貼出11年前跟11年後2張與童星的合照，相中各人外型及樣貌變化很大，唯獨宣萱一人維持不變！
