吳雨霏

踢走小產陰霾 吳雨霏雪山趕造人

最新娛聞

廣告

去年 吳雨霏 ( Kary )不幸小產,令佢同老公洪立熙 ( Brian )心情大受打擊!因此Kary去年錄新碟及開騒計劃都要暫停 。幸好在Brian悉心照顧同調理身體後,Kary已經走出小產陰霾, 重新振作 !一心想生夠三個小朋友的Kary,決心回氣再追,最近孖老公飛到北海道,實行在醉人雪景下再度密密造人﹗

Kary和Brian兩公婆都好鍾意小朋友,兩人前年1月在美國註冊,7月意大利行禮,去年2月成功陀B,但懷胎個多月不幸流產,令一直恨做媽媽的Kary大受打擊,一直停工休息,而Brian亦放下工作陪Kary度假散心。經過大半年休養,Kary終於收拾心情,身體已回復最佳狀態,兩公婆早前趁住聖誕新年佳節,飛到有蜜月聖地之稱的北海道二世古,再度開行turbo造人!

去完二世古再度蜜月,Kary繼續同老公朝夕相對,日前又跟老公到跑馬地一間日本餐廳撐枱腳,Kary要調理身體,食清淡的日本菜就最啱。而為生B Kary亦開始谷肥自己,叫到成枱食物,食到唔停口,身型亦唔再得棚骨,有番肉地,做足準備催孕!

食完晚飯離開餐廳去取車,雖然只是一條街之隔,但兩公婆在街頭纏綿,時而十指緊扣,時而攬到實如連體嬰,煙韌到爆!上車前Kary更忽然舞癮起,站在車邊手舞足蹈,氹到Brian即場哈哈大笑,超sweet!希望兩人早日造人成功,展開人生新一頁!

全文完

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

讀者留言