Stephy鄧麗欣

鄧麗欣迎39歲發放泳照送大禮 無懼餅碎區文詩po黑圖 平反唔係「大媽欣」

最新娛聞

廣告

鄧麗欣Stephy與昔日女團Cookies餅碎歐文詩Angela非常老友,本月15日Stephy將踏入39歲,日前Angela為她預祝生日,並在社交網曬出了數張兩人的夜蒲照,不過一向狀態甚Fit的Stephy,在Angela的鏡頭下,竟然出現老態兼有厚切身形,慘被網民笑指變「大媽欣」!

鄧麗欣 呢張可以算是「災難級」,Stephy側側身半倚在Angela身旁的合照,頓變大媽厚切身形。
呢張可以算是「災難級」,Stephy側身半倚在Angela身旁合照,凸顯出大媽厚切身形。(圖片來源:[email protected]__au)

鄧麗欣一度「走數」未兌現泳照承諾!

由黃子華、Stephy、張繼聰和王菀之等主演電影《飯戲攻心》,票房勢如破竹,截至10月10日票房已衝破6,150萬,揮低周星馳主演的《功夫》和《少林足球》,躍升成為香港史上華語片票房第5位,同時亦登上了港產喜劇片的票房No.1!而早在《飯戲》票房衝破4,000萬大關時,Stephy就講過票房如果達4,000萬就「唔著褲」,而之後又話到6,000萬就會分享泳照來答謝觀眾,結果現況仍在縮沙階段,她笑謂:「原來話咁快就過6,000萬,有少少想打退堂鼓,加碼想去到7,000萬先分享。」

生日正日分享靚爆泳照平反

終於在10月15日鄧麗欣生日正日,票房已奔向6,400萬! Stephy 終於刊登了靚爆泳照回饋大家:

鄧麗欣 Stephy話:「就在我生日這天 還清債務」
Stephy話:「就在我生日這天 還清債務」(圖片來源:[email protected] 鄧麗欣)
鄧麗欣
(圖片來源:[email protected] 鄧麗欣)
鄧麗欣
(圖片來源:[email protected] 鄧麗欣)

Stephy又留言表示:

「正所謂砸數唔好砸過年
砸相唔好砸過生日
就在我生日這天 還清債務
等我生日過後可以安靜的休息一下
7000萬目標依然沒變!
見post睇戲
多謝大家
#happybirthdaytome #1015 #找數 #70000000 #gogogo #飯戲攻心」

鄧麗欣 Stephy連日來積極參與《飯戲攻心》謝票活動,「唔著褲」褲裙仔露長腿唔知粉絲受唔受落。
Stephy連日來積極參與《飯戲攻心》謝票活動,「唔著褲」褲裙仔露長腿唔知粉絲受唔受落。(圖片來源:[email protected]飯戲攻心)
鄧麗欣 又孖住《深宵閃避球》的男主角鄭伊健齊齊謝票,Stephy容光煥發。
又孖住《深宵閃避球》的男主角鄭伊健齊齊謝票,Stephy容光煥發。(圖片來源:[email protected]飯戲攻心)
鄧麗欣 《飯戲攻心》已躍升成為香港史上港產片No.1!
《飯戲攻心》躍升成為香港史上華語片票房第5位,同時亦登上了港產喜劇片的票房No.1!(圖片來源:[email protected]飯戲攻心)

Stephy激罕低胸夜蒲

泳照未見影,不過她的好姊妹、前Cookies餅碎Angela就幫到手,日前在社交平台分享與Stephy的夜蒲合照,為Stephy預祝生日,兩人先晚膳再到中環夜蒲直落,從相中可見兩人身處的地點擁有無敵的城市靚景,在Angela分享的多張合照中,Stephy激罕有以超deep V裙短裙上陣,非常性感,而Angela則著上恤衫裙的打扮,同Stephy一齊著長靴大騷「絕對領域」。

鄧麗欣 餅碎Agnela一向與Stephy好姊妹,今次為預祝老友生日,先晚膳再夜蒲直落。
前餅碎Agnela一向與Stephy係好姊妹,今次為預祝老友生日,先晚膳再夜蒲直落。(圖片來源:[email protected]__au)
鄧麗欣 夜蒲連水煙都預備埋,唔知一向唔食煙的Stephy啱唔啱口味呢。
夜蒲連水煙都預備埋,唔知一向唔食煙的Stephy啱唔啱口味呢。(圖片來源:[email protected]__au)

網民勁踩鄧麗欣變大媽

兩位索女同場,唔知係Angela攝影抑或執相技術異常,站在Stephy旁邊的她,張張都比Stephy索、瘦兼正,一向身材勻稱的Stephy,反而變得異常豐滿,唔只上身,連肚腩仔和大髀都顯得好有肉地!Stephy更慘被網民封為「大媽欣」、「一陣老女人味谷晒出黎」、「鄧大媽」、「真係老餅話當年」、「啲相影到發福、塊面肥哂」等等,亦有網民欷歔感歎「當年Stephy真係好正」!

鄧麗欣 正面雖然正路好多,不過小肚腩明顯突咗出嚟,反觀Angela真係fit到漏,講緊唔好「諗樣」呀!
正面睇Stephy雖然正路好多,不過小肚腩明顯突咗出嚟。(圖片來源:[email protected]__au)
鄧麗欣 雖然在排骨Angela隔離顯得豐滿,但另一張夜場照正常好多,超deep V的Stephy依然嗒得杯落!
雖然在排骨Angela隔離顯得豐滿,但另一張夜場照就正常好多,超deep V的Stephy依然嗒得杯落!(圖片來源:IG[email protected]__au)
鄧麗欣 呢張對腳仲顯得好修長㖭!
呢張對腳仲顯得好修長㖭!(圖片來源:[email protected]__au)

常見問題

Stephy鄧麗欣曾揚言作出什麼承諾?

Stephy鄧麗欣講過票房如果達4,000萬就「唔著褲」,而之後又話到6,000萬就會分享泳照來答謝觀眾,結果最近⋯⋯詳見:鄧麗欣迎39歲收生日大禮

「Double May」有咩起源呢?

「Double May」據聞是跟一個台灣流傳的笑話有關⋯⋯詳見:林明禎被笑係Double May?

撰文:東方新地(部分內容轉載自New Monday)圖片來源:[email protected]__au、[email protected]飯戲攻心

讀者留言