陳奐仁

肥仔歌手變大隻佬 地獄式減肥成功

最新娛聞

廣告

有謂「只要有恆心 鐵柱磨成針」,肥佬一樣可以變大隻佬!以下呢位男星一向形象都係肥嘟嘟好可愛,但無見一排竟然變咗爆肌大隻佬!呢日佢喺FB上載一段自己喺健身室赤膊玩戰繩的短片,滿身健碩肌肉,大晒麒麟臂,唔好話網民唔認得佢,佢自己都留言話唔認得自己!

陳奐仁地獄式減肥成功

唔少男星女星都勤力健身,不時喺社交網站上載自己喺健身室的相片或者短片,分享一下自己的努力成果,騷吓副靚body!呢日有位男星上載一段自己喺健身室赤膊玩戰繩的短片,見佢滿身健碩肌肉,大晒麒麟臂,仲以為係邊位年青猛男…… 原來係42歲歌手陳奐仁!真係睇到網民O晒嘴,佢自己都不禁留言:「我都認唔到自己。I don’t even recognise myself!」

其實睇番陳奐仁FB,佢去年已不時上載自己去健身的相片或影片,但初時成果並唔明顯,所以無引來關注。不過去到今年初,陳奐仁FB上健身的相及片愈來愈多,見到佢的確瘦咗唔少,但估唔到衣服下已經係一身健碩肌肉!

坐「陷」椅子 決心減肥?

陳奐仁向來都實力派,賣歌藝唔賣樣,一直都係肥嘟嘟好可愛,唔少人仲話佢似多啦A夢。而陳奐仁決心減肥的原因,好有可能係同佢曾經將椅子坐「陷」有關?話說陳奐仁去年喺馬來西亞接受訪問時曾講過,佢喺當地一個音樂比賽中任導師,點知將導師椅子坐「陷」,但其他人的椅子無事… 即係佢太重… 點都好啦,陳奐仁依家真係man好多!

 

睇埋片:

陳奐仁都喺片中寫道「Recognise me?」(認唔認得我?)

Posted by Han Jin on Monday, 12 March 2018

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!