馬德鐘

聽晒老婆話!馬德鐘洗底幫仔鋪路

最新娛聞

廣告

50歲的馬德鐘在新劇《 跳躍生命線 》憑「 在哥 」一角再次彈 起,除了演技突出,塊面仲緊致回春,繼續扮型。近年馬德鐘去到 邊都把結婚25年的妻子張筱蘭掛在口邊,悉心營造長情顧家好男人形象,有跟得老婆做幕後軍師,觀眾已遺忘其陳年拈花惹草負聞。馬德鐘奮力洗底,無非要為正在澳洲讀大學的愛子馬在驤出道鋪路,子承父業接棒入行!

撰文:東方新地 圖片:新傳媒圖片、張筱蘭微博馬德鐘微博馬在驤微博

馬德鐘 聽晒老婆話

名模出身、婚後即隱身馬德鐘背後女人,今年50歲的張筱蘭退出幕 前後本來享受低調醉心科研,可惜早年老公緋聞多多唔爭氣,11年張筱蘭突然轉身一變成為跟得太太幫手拆彈:開微博晒恩愛、公開場合常伴左右、更充當經理人幫手過濾劇本揀工作,除咗昅實老公防出事外,亦發揮女人小宇宙,一手幫馬德鐘洗底兼收復失地。

老婆奴上身任差遺

經過七年貼身調教,馬德鐘在老婆全面管理下洗底成功,更為勢所逼變老婆奴,現在24小時oncall任由老婆差遣。日前(29日),本 刊記者見到幕前威風凜凜man爆的馬德鐘黐住老婆做Spa,然後非常聽話在養和醫院外車上無所事事呆等個半鐘等做司機。據知情人士透 露,早年自由慣搞到一身蟻,強勢張筱蘭出招箝實後,馬德鐘最初雖 然不情願,不過亦認同老婆的一套有助改善形象:「馬太有樣又學歷高,每次Joe(馬德鐘)出事都係由老婆諗辦法拆彈,呢幾年就好似守行為咁,依家箝完老公就到個仔,馬在驤喺澳洲讀機械工程,馬太成日飛去當地同啲大學傾合作,順便睇實個仔,要 兩邊飛都好辛苦;馬仔生得高大威猛亦有心入行,馬太未等 個仔畢業已經搭通天地線,幫手接時裝騷同出席function累積經驗,因為怕老竇陳年緋聞連累個仔,依家 Joe 連拍戲揀 角色都一概要健康正面,都係想洗底幫個仔啫!」希望馬仔 入行後唔會重蹈覆轍老竇所犯嘅錯,等阿媽可以舒服啲。

由花鬥弗男變老婆奴,馬德鐘近年去到邊梗有老婆在左近,日前兩公婆齊齊去到五星酒店做Spa。

兩公婆認真識歎,夫妻檔上陣做Spa鬆一鬆,一做就做足兩個幾鐘。

做完Spa馬德鐘做司機車張筱蘭去到跑馬地養和醫院,原來老婆陪家中老人人辦出院手續,馬德鐘就坐在車上玩電話呆等,佢拉到個手機咁遠睇,似乎有老花喎!

等足老婆個半鐘,進度不似預期,最後馬德鐘都係先行揸車走,張筱蘭帶著兩位女長輩在養和等的士離開。

做乜都強勢的張筱蘭除咗要為老公同仔勞心勞力,連家中長輩亦照顧得好妥當,全程一個人張羅搞手續。

唱好老公

結婚多年一向低調,直至11年馬德鐘形象破產,張筱蘭突然回歸高調,開埋微博晒恩愛。從一家三口幫囝囝過生日、到今年六月慶祝結婚25年銀婚紀念,又公開埋二人後生時的合照,自爆12歲已經結識馬德鐘、處處營造男方長情顧家好男人形象。

洗底大白象

傳跟郭羨妮在鄭州拍攝《爭霸傳奇》時 撻著,有人目擊二人經常同房出入,又在 港被影到一同外出,緋聞隨住馬被影到跟 另一女子同遊泰國而結束。

06年與佘詩曼拍《鳳凰四重奏》傳緋 聞,更曾被影到打的到訪阿佘香閨。

在橫店拍電影《笑功震武林》,被本刊影到 在食店消夜時,與陳浩民借醉先後向當年 只有19歲的陳嘉桓施以擒拿攬啜功,馬德 鐘其後發表個人聲明,否認非禮陳嘉桓。

陳嘉桓

馬德鐘老婆 晒陳年拍拖照放閃

今年6月,係馬神同太太張筱蘭結婚25周年嘅大日子,當日馬太喺微博上載咗多張二人由拍拖到結婚嘅相片,並留言話:「由12歲開始認識你,到今天與你結婚步入4份1世紀,感恩一直同行。人生就是要將今天活得比昨天好。銀婚快樂!」

而馬德鐘亦有轉載太太嘅發文,仲留言回應番老婆:「必須要每天都過得比昨天好。」好恩愛啊!

馬德鐘父子型爆晒肌

馬德鐘入行前曾任G4,出晒名高大威猛,正所謂「虎父無犬子」,佢20歲的囝囝馬在驤絕對有爸爸的風範!馬德鐘同老婆張筱蘭就帶埋囝囝享受陽光與海灘,見到佢哋兩父子喺沙灘上大晒fit爆身材,齊齊爆肌!20歲的馬在驤唔單止相貌不俗,而且已經同爸爸差唔多高,盡得優良基因!

囝囝唔使返學,仲會上內地探班!做爸爸當然好開心啦!

嗰頭仲係BB黐實父母,當爸爸心口係床仔瞓,呢頭已經牛高馬大游出香港,天下父母心,都係一樣咁矛盾,又想兒女快高長大出人頭地、又想「叮噹可否不要老」,時間可唔可以過慢啲?又再慢啲呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!