MIRROR又多一個成員封盤?網民列9大證據力證 Tiger 余潔滢 秘撻逾1年
文:東方新地|圖:Tiger IG、余潔滢IG、連登討論區
Tiger@MIRROR 余潔滢 爆戀情 粉絲齊送祝福
將於本月3日踏入22歲的Tiger(邱傲然)日前忽然被爆出同一齊拍過ViuTV人氣劇《男排女將》的女星余潔滢(Zoe)已拍拖,網民更列舉出9大證據,包括兩人在後台「黐實」影大合照、戴情侶帽、情侶手鈪和情侶戒指等等!

1.九展後台大合照
余潔滢早前帶媽媽去睇MIRROR演唱會後,在社交網晒出同MIRROR十二位成員的大合照,其中見到Tiger特別企正中間位,更「黐實」余潔滢身後,似在宣示主權,仲順便見埋女方家長!

3.自家品牌隱藏女Model
Tiger在2019年創立了一個自家服飾品牌,網友指該品牌的女裝一向搵開Michelle(黎美萱)做model,有一次賣女裝兩用袋時所用的女model卻只露出背面及頸部以下位置,而同時期余潔滢的髮色和身形都同該個女Model相似,又孭過同一款袋,因此被指曾秘密做過Tiger自家品牌的隱藏女Model。

5.同朋友多次Double Date
Tiger同參加過《全民造星II》、同樣22歲的Ryan(羅浩峯)是好友,網友指Tiger、余潔滢這一對和Ryan及其女友Michelle已經Double Date過無數次,由於Tiger和Ryan都熱愛攝影,兩人經常幫對方影相,余潔滢在社交網上就po過與Ryan相同背景且時間相近的相片。

6.成功入屋
網友指Tiger除了同余潔滢家姐余香凝有互相follow之外,又follow埋余潔滢的閨蜜,而余潔滢亦有同Tiger的妹妹互相follow,指余潔滢已經成功入屋。

在行內和朋友間已公開
該名爆料網友指Tiger和余潔滢在拍攝《男排女將》後已開始拍拖,至今已有超過一年的時間,又指兩人的戀情在行內和朋友間已是公開的秘密,隨即亦有另一網友回應,話兩個月前已親眼見過Tiger和余潔滢在街上十指緊扣。

網友:拍拖好小事啫,樓主生活係80年代?!
有不少網友看到帖文後,均表示無問題,還送上祝福:「藝人拍拖結婚好出奇呀」、「老虎仔好可愛,一定好錫女朋友」、「小虎隊表示不過問,真嘅會祝福,最緊要老虎開心」、「只要雙方形象健康有咩問題 80年代咩」、「拍拖好正常姐,祝福佢地!」

余潔滢受家姐影響入行
余潔滢畢業自大專讀時裝設計課程,她透露當初是受到比她大四歲的姐姐余香凝影響,而入行做模特兒。余潔滢直言自己好鍾意演戲,她表示曾向姐姐余香凝取經:「佢只係叫我讀熟啲個劇本,或者搵啲嘢去參考,等自己去更加了解自己個角色,試過有咩唔得,先去針對番個問題畀意見我。」
