Feature

昆凌進軍荷李活大銀幕 周董竟然係跟得老公

「天王嫂」昆淩進軍荷李活啦!第一次挑戰荷李活大銀幕就加盟由巨星The Rock 狄維莊遜(Dwayne Johnson)領銜主演嘅動作片《高凶浩劫》(Skyscraper),早前仲同一眾演員現身香港出席電影全球記者會。天王嫂喺多次訪問都講得一口流利英文,仲引得網民叫佢教下老公周杰倫(周董)添!不過,周董呢排成日都跟埋老婆去唔同地方宣傳新戲,潛移默化咁耐佢啲英文點都有啲進步掛!

撰文:東方新地|圖片來源:高凶浩劫官方Facebook周杰倫IG昆凌IG高凶浩劫官網IMDb連登討論區

《高凶浩劫》講咩?原來關香港事

《高凶浩劫》嘅故事背景設定於香港,而主角The Rock今次嘅任務就係要喺世界最高、共有240層樓的驪珠大廈的大火中,搶救被困嘅妻女。而擋喺佢面前嘅,除咗無情烈火,仲有一班趁火打劫嘅恐怖份子,逼佢要從高樓中偷出最不可告人嘅機密,作為交換妻女安全嘅條件。而昆凌則演出冷豔女殺手,除了同主角有對打戲份,仲會同女主角莉芙金寶(Neve Campbell)在車上激戰,突破以往甜美嘅少女形象!

昆凌
昆凌於《高凶浩劫》官方預告片

高凶浩劫
《高凶浩劫》電影海報,大家又睇唔得出背景其實係香港嚟㗎呢?