林子善

婚禮嘉賓陣容媲美台慶! 林子善:識做人好過識字

林子善在圈中出名人緣佳,年初的婚宴,兄弟姊妹團及賓客星光熠熠媲美台慶,在訪問中他就大談同太太的婚姻,以及拆解人緣好的原因。

撰文:東方新地|圖片:新傳媒圖片庫、林子善IG


林子善 情慾新聞無損婚姻

訪問開始,講到林子善嘅婚宴,賓客誇張過台慶,證明佢相識滿天下,林子善就謙稱:「唔好咁講,我好驚請漏人,其實我都請漏好多人,因為擺唔到咁多圍,有啲因為係前輩、長輩,禮貌上要請,唔請唔得,點知個個都嚟齊,結果擺咗八十六圍,徐哥 (徐榮)、煒哥 (陳煒) 著住戲服嚟,坐一坐就要走,好多謝佢哋畀面。我覺得任何行業都係識做人好過識字,不斷生活嘅時候,仲學習緊點去做人,好似我三哥黃嘉樂,佢架車壞咗我仲緊張過佢,我就係咁嘅人。」

徐榮及陳煒當日著住戲服參加林子善婚宴。

林子善


問佢同太太拍拖幾耐結婚?林子善答:「拍咗七年,有段時間分咗手幾個月,之後再一齊番。其實拍咗無幾耐都覺得呢個係結婚對象,但係有好多嘢好大壓力,我覺得自己未係一個可以擔起一頭家嘅男人,同埋呢行真係好天斬埋落雨柴,唔穩定、好驚,佢好鍾意小朋友,所以好多壓力,令到有一段時間停咗一輪,最後尾都一齊番。」

林子善(@lamtszsin413)分享的貼文 張貼

林子善

林子善續說:「之前我諗大家都睇過一啲花邊新聞 (林子善在分手真空期與女藝人L小姐的情慾對話流出),嗰啲只係好短暫,同埋我一早已經同我太太講咗,依家感情仲更加深厚咗,因為經歷過嗰件唔好嘅新聞,依家照顧住一個大Baby (指太太),嚟緊努力跑山搵首期,籌備迎接一個細Baby。」


林子善(@lamtszsin413)分享的貼文 張貼

林子善

置業落太太名

講到林子善捱出兩層樓,據聞仲好照顧屋企,佢笑言:「無報道講到咁神,父母、哥哥對我好好,因為父母教導我哋要照顧老人家,到我入TVB環境好番啲,我又有做DJ搵外快,我阿爸阿媽鬼鬼祟祟幫我零首期置業,我供樓,供到層樓畀父母住。至於第二間屋,其實係我出個名幫阿哥抽,唔屬於我,所以希望嚟緊自己置業,但都唔係我名,會落太太名,我覺得有咗名份,我嘅嘢即係你嘅嘢,層樓寫邊個名無乜所謂,同埋我太太好好、對錢銀唔care。」


林子善
小時候的林子善 (左一) 與家人合照。

問到林子善口才了得,女性緣應該好好?日後點杜絕女性緣?有無好多狂蜂浪蝶埋身?佢表示:「女性緣好呢個係真,其實男性緣都好好,同埋狂蜂浪蝶係睇你點發出訊息,如果係一個好正面嘅訊息,唔會有狂蜂浪蝶。」

林子善


點解無啦啦操肌?林子善就話:「嗰時我拍完《怒火街頭》好肥,行路膝蓋痛,所以減肥,去操拳,操操吓,教練話其實你可以操吓肌吖,就咁操出嚟,呢行好多人都大隻,不過咁啱我呢個茄喱啡又肥又矮,突然間變咗咁,大家至會嘩一聲!」

林子善(@lamtszsin413)分享的貼文 張貼

林子善

訪問期間,林子善問了多次:「你有無約致豪 (原名黃長興) 做訪問?」不忘關心好友,難怪圈中人緣出名好!

林子善
林子善好關心好兄弟黃致豪 (左一)。

林子善(@lamtszsin413)分享的貼文 張貼

林子善婚宴星光熠熠,更獲鄭嘉穎、馬國明、唐詩詠等親任兄弟團,「因為拍嘢有好深嘅感情或者良好嘅關係,所以畀面。」

林子善

說到分手後終成眷屬的太太Kary,林子善冧說:「佢好鍾意小朋友,依家我咪努力搵奶粉錢,努力維護好個屋企。」

林子善


林子善冰室生意至今開至第五間,「托賴好多朋友支持,生意尚算OK,但希望咁多位業主高抬貴手,唔好加咁多租。」

林子善

近年林子善加入操肌行列:「我一向鍾意做運動,但健身只係為身體好!」

林子善