劉穎鏇

劉穎鏇被爆戀情 與「大鼻港男」車上摸黑蜜會

最新娛聞

廣告

2016年港姐亞軍劉穎鏇(Tiffany),正值21歲青春無敵,樣貌標緻身材勁,近日更憑《3日2夜》及台慶劇《兄弟》更為入屋!劉穎鏇一直自稱單身,又冇傳過咩緋聞,但日前報道指佢暗撻「大鼻港男」胡㻗,兩人被影到夜晚齊齊去西貢,喺車上摸黑蜜會!

撰文:東方新地|圖片:新傳媒、Instagram、節目截圖

《3日2夜》劉穎鏇迷倒觀眾

早前一輯《3日2夜》由劉穎鏇(Tiffany) 及江嘉敏帶大家遊歷土耳其伊斯坦堡。節目中大家除了欣賞土耳其的特色景點之外,當然少不了留意兩位女神的互動!Tiffany在鏡頭前可愛真摯不造作,成功攻陷一班觀眾!

土耳其浴騷身材

雖然冇以往大家最期待的浸溫泉環節,但劉穎鏇同江嘉敏去了享受土耳其浴,非常吸睛。靚女浸浴喎,一定好好睇啦!

有份演台慶劇《兄弟》

劉穎鏇第一次參演的台慶劇《兄弟》今個星期已經出街,佢喺劇中飾演女拳手,晒身材之餘又打得拳拳到肉,同佢青春可愛的形象好唔同,令人期待!

劉穎鏇被爆戀情 與「大鼻港男」車上摸黑蜜會

劉穎鏇青春係無敵,外在條件一流,追求者眾都好合理吖!但女神一直自稱單身,亦未有傳出咩緋聞。不過今日有報道指,其實女神已經封盤,與有「大鼻港男」之稱、藝人羅天宇的24歲弟弟胡㻗正打得火熱!好一對港姐港男配?

西貢幽暗處談情 唇膏甩晒色?

報道指劉穎鏇前晚出席劇集《兄弟》的飯局,離開時鬼祟步往附近商場,然後被影到登上胡㻗座駕,直駛西貢銀線灣。據稱胡㻗在一隱蔽的幽暗處停車,然後二人於車上摸黑蜜會20分鐘!直至記者上前採訪,劉穎鏇及胡㻗表現驚訝又慌張,隨即駕車離開。報道又指劉穎鏇本來塗上鮮紅色唇膏,但下車後明顯唇膏「離奇地」甩晒色,點解呢?

羅天宇弟弟 香港先生第四名

劉穎鏇係2016年港姐亞軍,而胡㻗就係2016港男第四名,而且係藝人羅天宇同母異父的弟弟,其父為前無綫藝員、當年「銀河十星」之一的胡越山。胡㻗樣貌不俗,身材高大健碩,當初面試時都被視作熱門,不過未能奪三甲。

胡㻗被蘇韻姿搞「硬」?

2016年時港姐破天荒與停辦幾年的香港先生合辦,其中蘇韻姿在泳裝環節大晒33C招牌心形胸,極盡性感誘惑人!胡㻗當時一同進行問答環節,扮演一對多年好朋友,胡㻗仲忽然搭實Andrea膊頭,抽晒水喎!不過之後胡㻗突然表情生硬,仲一直用手遮住重要部位,原因就得佢自己知啦!

日久生情唔出奇

2016年時,TVB史無前例將香港小姐及香港先生合併舉行,所以胡㻗與劉穎鏇參選期間已經認識,之後齊齊就讀藝員訓練班做同學。睇返胡㻗社交網站的大合照,發現佢同劉穎鏇都經常喺不同場合同場,年紀相近又係靚仔靚女,日久生情唔出奇!

同是籃球健將:

《兄弟》一齊拍:

2016年港姐亞軍劉穎鏇

現年只得21歲的劉穎鏇於1997年出生,喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項,擁有青春無敵的甜美外貌加上174cm模特兒身材,兼有豐滿上圍,外在條件無得輸!當年都有唔少觀眾話佢比馮盈盈更值得攞冠軍!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!