王賢誌

汪明荃訓示勿將慈善變做騷?王賢誌解畫:感激Liza姐這番肺腑之言⋯

48歲藝人兼應屆東華三院主席王賢誌(Vinci)上星期五於灣仔伊館舉行佢卸任前最後一個慈善項目──《誌友共聚》慈善音樂會,圈中人緣甚廣嘅Vinci除咗請到張敬軒關淑怡、汪明荃、草蜢等紅星擔任嘉賓,仲請到曾傳患腦病、神隱多年的李珊珊現身台上分享患病的經歷,珊珊的出現成為音樂會的焦點。之但係活動後,嘉賓之一嘅汪明荃喺IG寫咗段長文畀王賢誌,大讚佢過去一年為東華的付出,但汪阿姐同時寫道︰「翻查報道發現有四個字經常出現,就係『碌人情卡』……好多人都覺得你呢張人情卡威到盡……」又寄語王賢誌要感激在背後出力的東華團隊,更重點指出做騷與做慈善只是一線之差︰「做騷係希望大家留意台前表演者;做慈善係想大家關心背後受惠者。幫到真正有需要嘅人,咁先算圓滿!」文中被指似有弦外之音。對此,王賢誌今日都有作出回應!