森美

捲入「安心偷食」三度澄清 森美 爆老婆子女受困擾

「安心偷食」事件轟動全城,唔少圈中人都受牽連,有傳黃心穎鄰居爆料稱有一名商台男DJ和畫眼線的Band友都先後訪過女方香閨,令到和黃心穎合作多時的電台DJ森美突然捲入偷食風波,加上森美Like咗心穎道歉嘅Post,惹來不少網民的反感。雖然事後再有媒體爆料指鄰居口中的商台DJ疑是商台DJ劉翁,但森美日前出席活動就透露老婆及子女已為事件感困擾,今日森美再喺IG發文對事件作澄清!

撰文:東方新地 圖片:《森美旅行團》節目截圖、新傳媒圖片、森美IG

捲入安心偷食 森美IG留言澄清

森美捲入「安心偷食」事件,事後他三度澄清,今日他再喺社交平台撰文說:「有人問我點解今次唔喺自己節目裏面高調回應,總相信冷靜是在紛擾當中最好的把持。幸好最後傳媒幫手,多謝各界的幫忙,多謝各位的憂心, 好好關顧自己親人才是最重要的。Thank you! Thank God!」

 

電台節目罕有談老婆

一向甚少公開講老婆嘅森美日前忽然喺電台講起影相話題,話啲女仔成日話另一半影相唔靚,佢就好隱悔咁以「女仔」稱呼老婆,仲口窒窒添:「我隔籬個女仔…女人…」拍檔小儀終於忍唔住話佢:「結咗婚就係太太㗎啦!」森美驚驚青青咁話:「呢排太多…要講清楚…我太太!」咪係囉,太太咪太太囉,咁怕醜做咩啫?