陳鈺琪

【倚天屠龍記】陳鈺琪《東坡家事》做大茄曬氣質 網民:黃心穎行埋一邊啦!

內地新版《倚天屠龍記》於TVB熱播,飾演趙敏一角的陳鈺琪被網民大讚男女裝扮相都能駕馭,但原來喺陳鈺琪成名前,曾為無綫劇《東坡家事》做大茄,雖然冇對白僅得數秒出鏡機會,但已經充滿現仙氣好吸睛,有網民更話佢把同場黃心穎比下去!

撰文:東方新地|圖片:微博影片截圖


 

陳鈺琪 男女扮相皆宜

現年26歲的陳鈺琪為唐嫣旗下藝人,2016年才開始拍劇,早年憑電視劇《錦繡未央》中飾演九公主「拓跋迪」而備受注目,今次於新版《倚天》中擔正做趙敏一角,不少觀眾讚她在劇中的男及女古裝造型都咁出眾。


 

 

星途不平坦

然而,其星途並非一帆風順,來自四川大學錦城學院藝術表演系的陳鈺琪本身擁有教師資格證書及會計證書,但卻醉心演藝,所以畢業後即到橫店尋找演出機會。未紅嘅陳鈺琪演群戲、跑龍套每天工作16小時,工資卻只得35元人民幣,扣除車資37元,變相不時也倒貼演戲!


 

《東坡家事》做大茄 零對白

2014年無綫劇《東坡家事》在橫店取景,而陳鈺琪喺橫店搵食期間就為此劇做大茄,場戲講述李霖恩飾演王安石長子,本來同蝦頭有婚約但最後被悔婚,全城姑娘包括黃心穎、萬綺雯、陳鈺琪都爭住想成為佢未來妻子。


雖然陳鈺琪冇對白,只得數秒鐘出場過鏡,但以一位臨時演員來說,美貌相當標青突出,相反同場黃心穎氣筫、樣貌都輸蝕,不過同樣係香港代表嘅萬綺雯就好靚冇被比下去。


當年有報道指人夫王浩信受唔住誘惑,佢喺橫店拍《東坡家事》時,被有「無綫姣精」外號嘅黃心穎電到暈陀陀,拍劇時玩得好埋,收工又黐住去食飯,日對夜對,連老婆陳自瑤(YoYo)姓乜都唔記得!


 

 

 

直至2015年,因拍攝《大話西遊3》而認識片中女主角唐嫣,更成為對方成立工作室後首批羅致的旗下藝人。翌年,憑劇集《錦繡未央》飾演九公主拓跋迪而嶄露頭角,18年更於劇集《香蜜沉沉燼如霜》中首次擔任第二女主角,至新版《倚天》才有機會擔正!


被傳變樣

雖然近日有網民翻出劇中各位靚女的陳年舊照,而陳鈺琪亦被指是人工美女,但近日她於19歲學生時代的微電影作品《Hold住我們的愛情》曝光,見片中的她與現在分別不大,才令變樣謠言不攻自破!

網民搵出劇中女角的陳年舊照

《Hold住我們的愛情》