法證先鋒4

【法證先鋒4】明寸黃心穎拍得差!黃浩然大讚湯洛雯做「一take湯」

「安心偷食」一個累全家的黃心穎,令無綫重頭劇《法證先鋒4》要重拍趕唔切做今年台慶劇,被迫調到明年一月檔期播出,湯洛雯(靚湯)臨危受命頂替心穎重拍,突然插入劇組仲要減肥演出身心壓力超大,不過靚湯已成功挑戰到呢個難關,事關身為男主角的黃浩然唔止大讚湯洛雯做「一take湯」,仲明寸黃心穎做得冇靚湯咁好㖭⋯

 

撰文:東方新地 圖片:新傳媒圖片、ig

《法證先鋒4》重拍 黃浩然大讚湯洛雯

湯洛雯要喺一個月內完成重拍《法證先鋒IV》黃心穎的戲份,但靚湯要減肥埋位,但愈減愈肥又爆埋瘡,失調走晒樣,仲傳佢頻頻食螺絲成了「NG王」,湯洛雯連信心都冇埋,要靠美圖先敢放相上個人社交網,見佢留言叫大家給予鼓 勵,似乎真係因拍《法證4》帶來極大壓力!靚湯又在IG留言分享感受:「雖然過程其實真的是蠻辛苦,但有人跟我說成功需苦幹。」!

 

《法證4》落實由湯洛雯頂替黃心穎角色,重拍戲份還包括一 個星期的台灣外景,不過之前演記者妹的黃心穎,穿梭劇中 大小場口,令監製梅小青要重整劇本再重拍,為該劇傷透腦 筋。

 

之前本刊影到臨危受命的靚湯,因壓力爆煲,搞到臉同手生粒粒,湯原本承諾減肥10磅才入劇組,點知因為壓力大反而愈減愈肥,還傳出她在拍攝期間狀態一般,不但愈減愈肥,更因壓力搞到面上狂爆瘡,要 化濃妝遮掩先出到鏡!

而日前《東張西望》就播出靚湯和黃浩然早前赴台灣補拍外景的花絮,黃浩然稱:「一切暫時嚟講都比上一次好。」

 

此外,黃浩然仲爆靚湯有個綽號叫做「一take湯」,即是現在所有鏡頭,靚湯都是一take過冇NG,又話只是三日就拍了幾乎一半的戲份,被拍檔大讚嘅靚湯笑到見牙唔見眼!

 

而靚湯接受傳媒訪問表示,因為中途加入而有好多嘢都唔清楚,但拍檔黃浩然同譚俊彥都好有耐性,不時講解角色畀佢聽令佢入戲,大讚浩然幫佢不少。講到最難忘的事,靚湯話喺台灣有場戲睇住鮑姐由冇眼淚到喊出嚟,好專業也令她能投入角色。